У Беларусі травы ўбраны амаль з 95 працэнтаў плошчы

У Беларусі травы ўбраны з 94,6 працэнта плошчы, паведамілі БЕЛТА ў Міністэрстве сельскай гаспадаркі і харчавання.

Паводле даных на 22 чэрвеня, у цэлым па краіне травы першага ўкосу скошаны на 1287,8 тыс. га плошчы, што складае 96,8 працэнта ад плана. У Віцебскай вобласці першы ўкос праведзены на 77,7 працэнта запланаванай плошчы, а ў Магілёўскай - 87,5 працэнта. У Брэсцкай, Гомельскай, Гродзенскай і Мінскай абласцях першы ўкос траў ужо завершаны.

Травы ўбраны з 1218,4 тыс. га, што складае 94,6 працэнта да скошанага. Нарыхтавана 178,5 тыс. т сена - 18,6 працэнта да плана, 5389 тыс. т сенажу - 39,4 працэнта (у тым ліку ў палімерную ўпакоўку 144,3 тыс. т) і 168 тыс. т сіласу - 0,88 працэнта.

Усяго ў бягучым годзе плануецца атрымаць 9,6 млн т кармавых адзінак травяных кармоў. Да гэтага часу нарыхтавана 17 працэнтаў ад плана. Сіласу плануецца нарыхтаваць амаль 19,2 млн т, сенажу - 13,7 млн т (у тым ліку ў палімерную ўпакоўку 1 млн т), сена - 962,1 тыс. т.

Усе навіны