Рэспубліканскі фармуляр лякарстваў на 2022 год устаноўлены ў Беларусі

Рэспубліканскі фармуляр лекавых сродкаў на 2022 год устаноўлены ў Беларусі. Гэта прадугледжана пастановай Міністэрства аховы здароўя нумар 97 ад 19 жніўня 2021 года, паведамляе БЕЛТА са спасылкай на прэс-службу Міністэрства аховы здароўя.

Рэспубліканскі фармуляр лекавых сродкаў устанаўліваецца штогод. У фармуляры на 2022 год пашыраны пазіцыі лекавых сродкаў, у тым ліку айчыннай вытворчасці. Дабаўлены новыя лякарствы, якія вырабляюцца і (або) фасуюцца ў Беларусі, а таксама дадатковыя лекавыя формы, дазіроўкі лекавых сродкаў.

На падставе Дзяржаўнага рэестра лекавых сродкаў Беларусі ўнесены змяненні ў стаўбцы 4, 6 фармуляра "Лекавыя формы, дазіроўкі" і "Лекавыя формы, дазіроўкі, што вырабляюцца і (або) фасуюцца ў Рэспубліцы Беларусь". Спецыялісты таксама ўнеслі ўдакладненні ў коды анатама-тэрапеўтычна-хімічнай класіфікацыйнай сістэмы лекавых сродкаў. Удакладнены некаторыя міжнародныя непатэнтаваныя найменні, лекавыя формы, дазіроўкі, фасоўкі. Абноўлена даведачная інфармацыя аб цэнах на лякарствы.

Рэспубліканскі фармуляр лекавых сродкаў - спіс лякарстваў з даказанай эфектыўнасцю, дапушчальнай бяспекай, найбольш эканамічна выгадных пры выкарыстанні бюджэтных сродкаў, што выдзяляюцца на ахову здароўя.

БелТА

Усе навіны