Прадстаўнікі "Вялікага каменя" і Чунцына абмеркавалі перспектывы супрацоўніцтва ў розных сферах

  

У складзе дэлегацыі з горада Чунцын, якая наведала індустрыяльны парк, былі кіраўнікі Пастаяннага камітэта сходу народных прадстаўнікоў, члены профільных ведамстваў, раённых устаноў горада і менеджары прадпрыемстваў.

У час візіту ў дэманстрацыйнай зале інавацыйнага цэнтра дэлегаты ў суправаджэнні кіраўніцтва адміністрацыі і кампаніі па развіцці індустрыяльнага парка азнаёміліся з гісторыяй, прэферэнцыйным рэжымам, інвестыцыйным асяроддзем і прыярытэтнымі напрамкамі дзейнасці "Вялікага каменя". Таксама госці прынялі ўдзел у перагаворах з прадстаўнікамі парка.

Бакі абмеркавалі перспектывы супрацоўніцтва ў інвестыцыйнай, лагістычнай і гандлёва-прамысловай сферах у рамках індустрыяльнага парка.

Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.

Усе навіны