Пярцоў: "Славянскі базар" - гэта непарушная платформа культурнай славянскай агульнасці

На фоне грамадска-палітычных сусветных падзей, калі замежныя краіны спрабуюць забараніць культурную спадчыну славянскіх краін, у прыватнасці, рускае мастацтва, важна аб'ядноўвацца і быць разам. Адным з такіх сувязных звёнаў, некранутых палітыкай Захаду, з'яўляецца "Славянскі базар у Віцебску". "Фестываль - гэта тры кіты, на якіх трымаецца культурны складнік нашай славянскай агульнасці, нашых народаў. І тут няма ніякай трансфармацыі, і не хацелася б гнацца за "моднымі" павевамі Захаду з незразумелымі персанажамі, якія, магчыма, і адпавядаюць чыімсьці эстэтычным запатрабаванням. Нам яны чужыя. Мы хочам якаснага працягу славянскай культуры, вакалу, тэатральных праграм, сапраўдных каштоўнасцей. У нас заўсёды гэта было і застанецца, нягледзячы на псеўдамодныя павевы", - падкрэсліў кіраўнік Мінінфарма.

Уладзімір Пярцоў адзначыў, што з аслабленнем пандэміі з'явілася магчымасць больш бываць на адкрытых пляцоўках фестывалю, а для журналістаў гэта шанц паказаць, як змяніўся Віцебск, як і чым жыве горад у дні "Славянскага базару". Кіраўнік Мінінфарма сам пабывае на канцэрце адкрыцця і з вялікім задавальненнем па традыцыі будзе гледачом на конкурсе маладых выканаўцаў. "Я адчуваю асалоду ад жывога выканання. Да таго ж гэта адзін з нямногіх або нават адзіны конкурс, дзе рэальна ацэньваецца вакал, майстэрства выканання, і гэта дарагога варта, асабліва на фоне таго, як іншыя фестывалі ператварыліся ў шоу фрыкаў, дзе можа перамагчы нават паралонавая гусь. Тут, на "Славянскім базары", ты атрымліваеш сапраўднае эстэтычнае задавальненне ад выканаўцаў, якія цэняць фестываль і для якіх каштоўна прызавое месца на гэтым конкурсе", - расказаў Уладзімір Пярцоў.

Таксама ён пройдзе па Горадзе майстроў, каб пашукаць сувеніры і падарункі блізкім. "Там ёсць унікальныя рэчы, якіх нідзе не сустрэнеш, і я гэта вельмі цаню", - падзяліўся міністр інфармацыі.

Усе навіны