Новы рэзідэнт "Вялікага каменя" будзе выпускаць прадукцыю з кампазітных матэрыялаў

У індустрыяльным парку "Вялікі камень" зарэгістраваны новы рэзідэнт - ТАА "КарбонТэхБел" (КНР). Ініцыятарам праекта выступае кітайская кампанія "Цзялун (Ганконг) Technology Co., Ltd", паведамілі БЕЛТА ў прэс-службе парка.

Рэзідэнт парка будзе выпускаць прадукцыю з кампазітных матэрыялаў, а таксама вырабы медыцынскага прызначэння. Праект мае імпартазамяшчальны характар.

Выпушчаныя кампаніяй вырабы прызначаны для ўнутранага рынку Беларусі, а таксама будуць экспартавацца ў краіны ЕАЭС. Плануецца стварэнне не менш як 100 высокапрадукцыйных рабочых месцаў.

Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.

Усе навіны