Міністэрства аховы здароўя правяло работу па значным скарачэнні дакументаабароту

Міністэрства аховы здароўя правяло работу па значным скарачэнні дакументаабароту, паведамляе БЕЛТА са спасылкай на прэс-службу Міністэрства аховы здароўя.

Адменена больш за 30 дакументаў, якія былі неабходны для запаўнення. Размова ідзе аб розных формах і відах справаздач, якія дубліравалі інфармацыю, што змяшчаецца ў формах першаснай дакументацыі.

Пры гэтым прыняты шэраг нарматыўных прававых актаў, якія датычацца рэгулявання правядзення медыцынскіх экспертыз, ацэнкі якасці меддапамогі, правядзення медыцынскай акрэдытацыі, што даюць магчымасць забяспечыць адзіны падыход да парадку іх правядзення, адзначылі ў Міністэрстве аховы здароўя.

Так, у адпаведнасці з пастановай Міністэрства аховы здароўя ад 21 мая 2021 года нумар 55 "Аб ацэнцы якасці медыцынскай дапамогі і медыцынскіх экспертыз, экспертызе якасці медыцынскай дапамогі" вызначаны адзіны парадак правядзення экспертызы якасці медыцынскай дапамогі, ацэнкі якасці медыцынскай дапамогі і медыцынскіх экспертыз, а таксама ўстаноўлены дзве формы заключэнняў па выніках іх правядзення.

А пастановай ад 7 мая 2021 года нумар 46 "Аб парадку правядзення патолагаанатамічнага даследавання" зацверджана Інструкцыя аб парадку правядзення патолагаанатамічнага даследавання, а таксама аптымізаваны формы медыцынскіх дакументаў, якія рэгламентуюць дзейнасць патолагаанатамічнай службы.

Прыняцце гэтых дакументаў дало магчымасць скасаваць некаторыя формы медыцынскіх дакументаў, якія страцілі эфектыўнасць, адзначылі ў Міністэрстве аховы здароўя.

Спіс адмененых дакументаў размешчаны на сайце Міністэрства аховы здароўя.

Таксама паведамляецца, што пасля ўводу ў эксплуатацыю цэнтральнай праграмнай платформы цэнтралізаванай інфармацыйнай сістэмы аховы здароўя патрэбнасць вядзення форм першаснай медыцынскай дакументацыі на папяровым носьбіце аўтаматычна адменіцца.

БелТА

Усе навіны