У Віцебску з наступнага тыдня часткова абмяжуюць рух транспарту на праспекце Люднікава

Звязана гэта з пачаткам работ капрамонту моста "Юбілейны", а абмежаванні ўвядуць з 15 кастрычніка, паведамляе сайт "Віцебскаблаўтатранса".

У прыватнасці, у Віцебску будзе абмежаваны рух транспарту па трамвайных маршрутах №№1,3, часткова абмежаваны рух транспарту па праспекце Люднікава.

Падчас правядзення работ будзе арганізаваны рух па тралейбусным маршруце № 12б «вуліца 33-й арміі – вуліца Церашковай – праспект Фрунзэ – праспект Люднікава – Смаленскі рынак» (па будных днях), аўтобусных маршрутах № 22 «Арлова-1 – пав. Кастрычніцкі-вуліца воінаў – інтэрнацыяналістаў – праспект Перамогі – вуліца Смаленская – праспект Люднікава – Смаленскі рынак» (штодня) і № 24 «Смаленскі рынак – праспект Люднікава-Смаленскі рынак» (штодня).

Трамвайныя маршруты стануць ездзіць да прыпыначнага пункта «Праспект Люднікава». Дадатковы прыпыначны пункт на высадку пасажыраў будзе размешчаны ў раёне жылога дома № 40 па праспекце Фрунзэ, на пасадку – у раёне жылога дома № 45 па праспекце Фрунзэ.

Перасадку можна будзе зрабіць на прыпыначных пунктах «вуліца Смаленская» і «Вуліца Чапаева».

Праязныя білеты шматразовага выкарыстання на трамвай будуць дзейнічаць пры перасадцы на аўтобусны маршрут № 24 да заканчэння тэрміну дзеяння (на другую дэкаду – па 20 кастрычніка, на месяц – па 31 кастрычніка).

Усе навіны