У Віцебску працаўнікі спартовых арганізацый абласнога цэнтра здаюць нарматывы ГТО

У Беларусі праходзіць Усебеларускі тыдзень здачы нарматываў дзяржаўнага аздараўленчага комплексу Рэспублікі Беларусь "Гатовы да працы і абароны". Сёння ў Віцебску на базе Цэнтральнага спарткомплексу нарматывы здаюць работнікі спартыўных арганізацый абласнога цэнтра.

У мерапрыемстве бяруць удзел 18 каманд. Работнікі спартыўнай галіны здаюць 6 нарматываў, якія ўваходзяць у комплекс ГФОК ГТО. Гэта скачок у даўжыню з месца, нахіл наперад са становішча седзячы, падцягванне на высокай перакладзіне або згінанне і разгінанне рук ва ўпоры лежачы, чаўночны бег (4 па 9), бег на дыстанцыі 30 метраў, бег на 6 хвілін або 1500 м для жанчын і 3000 м для мужчын.

- Фізічная культура і спорт - гэта значная сфера жыццядзейнасці беларускага грамадства, - падкрэсліў у каментары "ВВ" начальнік упраўлення спорту і турызму аблвыканкама Дзяніс Фацееў. - Гэта заклад і творчага выхавання моладзі. З кожным годам на Віцебшчыне павялічваецца колькасць тых, хто здае нарматывы ГФАК ГТО. Аналагічныя мерапрыемствы праводзяцца ва ўсіх гарадах і раёнах Прыдзвінскага краю. У іх бяруць удзел 5730 чалавек, з якіх 728 - работнікі фізкультуры і спорту. Менавіта мы, кіраванцы, сваім прыкладам павінны паказваць, што, прымаючы кіраўнічыя рашэнні і рэалізоўваючы іх, мы разумеем усю сутнасць і глыбіню спорту. У Віцебску імпрэза будзе праходзіць і заўтра. На працягу года (да кастрычніка) здача нарматываў ГФОК ГТО працягнецца для ўсіх катэгорый грамадзян. Фота Яўгена КАРПАСА.

Усе навіны