Тут у гады Вялікай Айчыннай вайны расстрэльвалі ўсіх. Трагічная гісторыя месца, дзе праводзяцца раскопкі ў Полацку

Мы ўжо паведамлялі, што ў Полацку на вуліцы Юбілейнай праводзяцца раскопкі ў месцы меркаванага масавага пахавання мірных грамадзян, якія пацярпелі ад генацыду ў гады Вялікай Айчыннай вайны. Стала вядомая трагічная гісторыя гэтага месца.

Як паведаміла афіцыйны прадстаўнік пракуратуры Віцебскай вобласьці Дар'я Каваленка, пра гэтае пахаваньне была атрыманая інфармацыя з матэрыялаў крымінальнай справы, якая расьсьледавалася яшчэ ў 1960-х гадах. Абвінавачаныя па справе служылі ў падраздзяленні гестапа, якое ў 1943 годзе грунтавалася ў Полацку менавіта ў тым раёне горада.

- Людзей затрымлівалі па падазрэнні ў сувязі з партызанамі і падпольшчыкамі падчас аблаў – жанчын, старых, дзяцей, – распавядае прадстаўнік нагляднага ведамства. - Кагосьці саджалі ў турму, кагосьці вялі адразу ў гестапа. Людзі цярпелі катаванні, здзекі. Незалежна ад дадзеных паказанняў-расстрэльвалі ўсіх.

У 1960-я гады затрымалі былога паліцая, які служыў у гестапа, ён жыў па падробленых дакументах у Казахстане. Калі яго прывезлі ў Полацк для праверкі паказанняў, ён паказаў тры месцы пахавання. Тады падчас раскопак, як вынікае з матэрыялаў справы, парэшткі выявілі толькі ў двух ямах. Праводзілася эксгумацыя.

- У рамках цяперашняй крымінальнай справы сведкі паведамлялі пра факты расстрэлаў, няўлічаных пахаваннях, у тым ліку ўдзельнік вайны Аляксандр Філіповіч Растопчын, – працягвае Дар'я Каваленка. - Тады, у 1960-я гады, яго прыцягвалі для ўдзелу ў следчых дзеяннях. Падчас расследавання цяперашняй крымінальнай справы выяўленыя дзве ямы-магілы. У адной – фрагментаваныя астанкі загінуўшых, якія, як мяркуецца, належаць ваеннапалонным байцам Чырвонай Арміі і мірным жыхарам. Пра гэта кажуць спадарожныя знаходкі – прадметы асабістага ўжытку (гузікі, расчоскі, курыльныя прыстасаванні). На некаторых парэштках маюцца Агнястрэльныя раненні ў галаву, выяўленыя гільзы ад нямецкай зброі.

Як дадала Дар'я Каваленка, выяўленыя фрагментарныя касцяныя парэшткі загінулых перададзеныя для правядзення экспертных даследаванняў. Меркаваны тэрмін заканчэння раскопак-канец верасня.

Фота pvestnik.by.

Усе навіны