На Віцебшчыне ў 2025 годзе на рэалізацыю грамадзянскіх ініцыятыў мяркуецца накіраваць 400 тысяч рублёў

На Віцебшчыне ў 2025 годзе на рэалізацыю грамадзянскіх ініцыятыў плануецца накіраваць з абласнога бюджэту 200 тысяч рублёў, і яшчэ столькі ж выдзеліць рэспубліканскі бюджэт пры наяўнасці адпаведных праектаў грамадзян па паляпшэнні якасці жыцця насельніцтва, паведаміў начальнік Галоўнага фінансавага ўпраўлення аблвыканкама Яўген Каросцік.

У параўнанні з 2024 годам аб'ём сродкаў стаў важкім на траціну: летась на гэтыя мэты вылучалася 300 тысяч рублёў. У 2024 годзе фінансаваліся 17 праектаў амаль з усіх раёнаў, а таксама Віцебска і Наваполацка па выніках адкрытага конкурснага адбору. 

Яны розныя па змесце і прадугледжваюць вырашэнне актуальных пытанняў той ці іншай мясцовасці. Гэта і ўвекавечанне памяці загінуўшых у гады Вялікай Айчыннай вайны, добраўпарадкаванне тэрыторый, стварэнне безбар'ернага асяроддзя, узвядзенне аб'ектаў інфраструктуры для дзяцей і падлеткаў. Курыруе гэты працэс Віцебская абласная асацыяцыя мясцовых Саветаў дэпутатаў.

Неабходнай умовай падачы заяўкі на конкурс з'яўляецца сафінансаванне праекта яго ініцыятарам у памеры 10 працэнтаў ад кошту ініцыятывы.

У адпаведнасці з Палажэннем аб парадку рэалізацыі грамадзянскіх ініцыятыў на тэрыторыі Віцебскай вобласці іх ініцыятарамі маюць права выступаць грамадзяне, якія дасягнулі 18 гадоў і пастаянна пражываюць на тэрыторыі адпаведнай адміністрацыйна-тэрытарыяльнай адзінкі або яе часткі. 

У месячны тэрмін з дня паступлення ў абласны Савет дэпутатаў праект грамадзянскай ініцыятывы праходзіць папярэдні разгляд, для чаго ствараецца рабочая група з ліку дэпутатаў аблсавета і прадстаўнікоў структурных падраздзяленняў аблвыканкама. У наступным арганізуецца адкрыты конкурсны адбор. 

Яго пераможцам прызнаецца праект грамадзянскай ініцыятывы, які найлепшым чынам адпавядае інтарэсам насельніцтва, якое пражывае на адпаведнай тэрыторыі адміністрацыйна-тэрытарыяльнай адзінкі.

Усе навіны