Лясгасы Віцебскай вобласці дапамагаюць ліквідаваць наступствы стыхіі ў Жлобінскім раёне Гомельскай вобласці

Лясгасы Віцебскай вобласці дапамагаюць ліквідаваць наступствы стыхіі ў Жлобінскім раёне Гомельскай вобласці. За выкананнем аховы працы сочаць прадстаўнікі прафсаюзаў.

Нагадаем, навальнічны фронт з моцным ветрам, градам і ліўнем, які прайшоў па рэспубліцы 13-14 ліпеня буйна пашкодзіў лясныя насаджэнні краіны. Найбольшы ўрон непагадзь нанесла Гомельскай вобласці. Паводле папярэдніх ацэнак тут пацярпела каля 15 тыс.га лесу. Каб паспець прадухіліць натуральную псаванне таварнай драўніны і як мага хутчэй адправіць яе на перапрацоўку, тут актыўна працуюць аператары харвестэраў, форвардараў (лесанарыхтоўчыя машыны) і прадстаўнікі інжынерна-тэхнічнага складу.

Работнікі лясгасаў займаюцца адным з самых складаных тыпаў лесанарыхтоўчай рубкі – суцэльнай санітарнай. Яна патрабуе ад лесаводаў максімальнай канцэнтрацыі і прафесіяналізму, бо верагоднасць атрымання вытворчых траўмаў высокая. Таму ў Жлобінскім раёне для прафсаюзнага маніторынгу і садзейнічання бяспечнай вытворчасці работ зараз знаходзіцца тэхнічны інспектар працы Віцебскай абласной арганізацыі Беларускага прафсаюза работнікаў лесу і прыродакарыстання Ігар Лабкоў.

Ён кантралюе выкананне рэжыму працы і адпачынку работнікаў, правілаў аховы працы і супрацьпажарнай бяспекі, своечасовасць мэтавых інструктажоў, укамплектаванасць брыгад універсальнымі і аўтамабільнымі аптэчкамі. Таксама правярае ў работнікаў наяўнасць тэхналагічнай карты, спраўных, якія прайшлі паверку алкотестеров і кантралюе працаўнікоў на прадмет ужывання алкаголю.

- Крытычных заўваг не было. Усе лясгасы падрыхтаваліся да выканання гэтых складаных работ на самым высокім узроўні, – падкрэсліў Ігар Лабкоў.

Для працаўнікоў арандавалі жыллё побач з месцам вытворчасці работ. Арганізавалі двухразовае гарачае харчаванне.

Пасля таго як лесаводы Віцебшчыны распрацуюць усе бураломы, на месцы разгулу стыхіі восенню будзе пасаджаны новы лес.

Усе навіны