Ірына Ляўковіч распавяла пра гандаль школьнымі таварамі ў Віцебску

Як арганізаваны гандаль таварамі школьнага асартыменту ў Віцебску, распавяла сябра Савета Рэспублікі Ірына Ляўковіч.

Рэалізацыю адзення і абутку для дзяцей школьнага ўзросту на тэрыторыі Віцебска ажыццяўляюць 40 гандлёвых аб'ектаў, школьна-пісьмовых і канцылярскіх прылад – 70 гандлёвых аб'ектаў. Найбольш шырока адзенне дзелавога стылю, абутак, школьна-пісьмовыя і канцылярскія прыналежнасці прадстаўлены на плошчах ААТ «Віцебскі ўнівермаг», у фірмовых крамах прадпрыемстваў канцэрна «Беллегпрам».

Напрыклад, на гандлёвых плошчах ААТ «Віцебскі ўнівермаг» рэалізацыю тавараў для школьнікаў ажыццяўляюць 10 айчынных вытворцаў, у тым ліку ЗАТ «Калінка», ААТ «Камінтэрн», ААТ «Дзяржынская швейная фабрыка «Эліз», ААТ «Палессе», ААТ «8 сакавіка», ААТ «Купалінка», ЧТУПП «Сола-Пінск», ТАА «Формэль», СТАА «Контэ Спа», ААТ «Брэсцкі панчошны камбінат».

Арыенціровачны кошт камплекта адзення дзелавога стылю для навучэнцаў устаноў агульнай сярэдняй адукацыі ў залежнасці ад узроставай групы складае ад 146 да 400 рублёў для хлопчыка і ад 100 да 350 рублёў для дзяўчынкі, абутку – ад 69 да 150 рублёў, кошт спажывецкага набору школьна-пісьмовых і канцылярскіх прылад – ад 84 да 110 рублёў, што практычна адпавядае ўзроўню цэн мінулага года.

Школьны кірмаш у г. Віцебску будзе арганізаваны з 15 жніўня на плошчах бізнес-цэнтра «Марка-сіці» (г.Віцебск, вул. Леніна, 26).

Па матэрыялах прэс-службы Савета Рэспублікі Нацыянальнага сходу Рэспублікі Беларусь.

Усе навіны