Ігар Сяргеенка здзяйсняе рабочую паездку па Віцебскай вобласці

Старшыня Палаты прадстаўнікоў Нацыянальнага сходу-упаўнаважаны прадстаўнік кіраўніка дзяржавы ў Віцебскай вобласці Ігар Сяргеенка ў рамках рабочай паездкі ва Ушацкі і Полацкі раёны пракантраляваў ход уборачнай кампаніі і работ па ліквідацыі наступстваў урагану.

Па словах старшыні Ушацкага райвыканкама Сяргея САДОЎСКАГА, моцны ўраган па рэгіёне прайшоў 1 ліпеня. Літаральна за 10 хвілін істотна пацярпелі сельскагаспадарчыя і грамадзянскія аб'екты, лясы. У цесным узаемадзеянні са структурамі аблвыканкама, Мінэнерга, Мінлясгаса на працягу сутак былі ліквідаваныя асноўныя праблемныя моманты - блакіроўка дарог, адноўлена электра - і водазабеспячэнне. Ад энергасеткі было адключана 5 тыс. абанентаў. Дапамогу аказвалі і пяць брыгад энергетыкаў з Барысава. У населеных пунктах было павалена 170 дрэў. Неабыякавыя людзі дапамагалі ЖКГ у іх уборцы. У Белдзяржстрах звярнулася 265 чалавек за аказаннем дапамогі на агульную суму каля 130 тыс. руб. з рэзервовага фонду райвыканкама для ліквідацыі наступстваў урагану на сельскагаспадарчых і аб'ектах ЖКГ выдзелена каля 40 тыс. руб.

Уборачную кампанію ва Ушацкім раёне стрымліваюць частыя ліўні. Аднак жніво ідзе з апярэджаннем леташняга графіка на паўтары-два тыдні. Сяргей Садоўскі ўпэўнены, што ўборачная завершыцца раней, чым звычайна.

Як паведаміў генеральны дырэктар Віцебскага ДВЛГА Юрый Ліпскі, ад урагану 14 ліпеня ў паўночным рэгіёне пацярпела 258 га лесу. Найбольшыя плошчы-у Аршанскім, Ушацкім і Талачынскім раёнах. Цалкам наступствы стыхіі будуць ліквідаваныя да 1 лістапада. Драўніна паступае ў дрэваапрацоўчыя цэхі, адгружаецца па кантрактах, таксама забяспечваюцца заяўкі аблвыканкама і райвыканкамаў для ліквідацыі наступстваў урагану. На вызваленых плошчах восенню пачнецца закладка новага лесу. Віцебскае ДВЛГА гатова прыняць дапамогу ў пасадцы новых насаджэнняў ад усіх неабыякавых грамадзян.

Прадстаўнікі Віцебшчыны дапамагаюць калегам у Гомельскай вобласці, найбольш пацярпелай ад урагану. Там працуюць каля 150 чалавек, 40 харвестэраў. Трэба будзе ажыццявіць суцэльную санітарную рубку амаль на 1,6 тыс. га.

Адзначаючы выразнасць дзеянняў па ліквідацыі наступстваў урагану, Ігар Сяргеенка адзначыў, што ў сувязі са зменамі кліматычных умоў мы павінны быць у пастаяннай гатоўнасці па аператыўным рэагаванні на стыхію. Ён падкрэсліў, што работа па ліквідацыі наступстваў урагану праявіла і лепшыя чалавечыя якасці - людзі выходзілі на расчыстку завалаў, дапамагалі адзін аднаму.

Закранаючы ход уборачнай кампаніі, Ігар Сяргеенка канстатаваў, што сур'ёзных заўваг па арганізацыі работ няма. Хацелася б, каб ураджайнасць у Віцебскай вобласці была вышэйшай.

Фота аўтара

Усе навіны