Дзякуючы неабыякавасці да чужой бяды гарадокчаніну Івану Гамзюку ўдалося выратаваць жыццё траім землякам

У адзін з апошніх летніх дзён бягучага года Іван Гамзюк праводзіў дзяўчыну да дома ў райцэнтры. Пара заўважыла мужчыну, які ляжыць на абочыне.

- Было ўжо позна. Мы падумалі, што чалавек выпіў лішняга, і не звярнулі на яго асаблівай увагі, - адзначыў хлопец. - Аднак, вяртаючыся назад, я ўбачыў, што над ляжачым схіліўся іншы чалавек з ліхтарыкам, і зразумеў, што прычына – не ў алкаголі. На шыі ў пацярпелага віднеліся кроў і сур'ёзныя пашкоджанні.

Іван-член ваенна-патрыятычнага клуба «Віцязь” пры вайсковай часці 5524 унутраных войскаў МУС Беларусі, умее аказваць першую медыцынскую дапамогу, таму не разгубіўся і прыняў меры, каб спыніць крывацёк да прыезду хуткай. У пошуках бінтоў і іншых сродкаў дапамогі малады чалавек накіраваўся ў бліжэйшы дом, дзе ўбачыў яшчэ двух пацярпелых – жанчын з нажавымі раненнямі.

- Так як медыцынскіх прыладаў не было, прыйшлося выкарыстоўваць падручныя матэрыялы-анучы, пасцельная, што ўдалося знайсці, – успамінае Іван. - Толькі потым усвядоміў, што злачынец можа знаходзіцца дзесьці побач. Агледзеў жыллё. Ён да гэтага часу паспеў ужо схавацца. Да прыезду медыкаў я назіраў за станам усіх трох ахвяр. На шчасце, усе яны выжылі.

- Зламысніка супрацоўнікі праваахоўных органаў знайшлі па гарачых слядах-ён жыў непадалёк і, усвядоміўшы, што здзейсніў, вырашыў скончыць жыццё самагубствам, – паведаміла намеснік начальніка Гарадоцкага РАСК падпалкоўнік юстыцыі Ганна Сівіцкая. - Трагедыя адбылася пасля сумеснага распівання спіртных напояў.

Фота Эдуарда Каралевіча.

Усе навіны