1 сакавіка на базе Полацкага памежнага атрада пройдзе першы злёт добраахвотных дружын

1 сакавіка Полацкі памежны атрад арганізуе правядзенне першага ў сваёй гісторыі злёту добраахвотных дружын. У злёце прымуць удзел члены добраахвотных дружын прыгранічча Віцебскай вобласці,паведаміліу Полацкім пагранатрадзе.

У ліку гасцей злёту - кіраўніцтва Віцебскага абласнога выканаўчага камітэта, прыгранічных Браслаўскага, Верхнядзвінскага і Міёрскага райвыканкамаў, старшыні прыгранічных сельскіх выканаўчых камітэтаў, прадстаўнікі ветэранскай арганізацыі Полацкага пагранічнага атрада.

Урачыстае адкрыццё злёту пачнецца з мітынгу на памятным знаку "Пагранічнікам усіх пакаленняў" у Полацку, адкрытага ў Год гістарычнай памяці і ў дзень 30-годдзя з дня заснавання Полацкага пагранічнага атрада.

На мерапрыемстве будуць падведзены вынікі работы добраахвотных дружын на ўчастку Полацкага пагранічнага атрада за 2023 год і пастаўлены задачы на бягучы год. Лепшай добраахвотнай дружыне будзе ўручаны дыплом і пераходны прыз. Пагранічнікамі таксама будзе адзначаны лепшы дружыннік.

Для ўдзельнікаў злёту будзе праведзена канцэртная праграма з удзелам ваеннага аркестра Полацкага пагранічнага атрада.

У завяршэнні - для ўдзельнікаў злёту будуць арганізаваны спаборніцтвы па стральбе.

Усе навіны