У Дубровенскім ТЦСАН прайшоў прававы прыём

У практыку абароны правоў і гарантый працоўных, павышэння іх прававой культуры трывала ўвайшлі прафсаюзныя прававыя прыёмы — адна з актуальных формаў работы прававой інспекцыі працы. Любы жадаючы можа бясплатна атрымаць кансультацыі прафсаюзных юрыстаў па пытаннях, звязаных з працоўнымі адносінамі. Звярнуцца па дапамогу да прафсаюзных юрыстаў можна па тэлефоне, прыйсці на асабісты прыём, у тым ліку на выязной, які праходзіць кожны апошні чацвер месяца на базе адной з устаноў або прадпрыемстваў раёна.

Практыка прымянення заканадаўства аб працы, у тым ліку пытанні ўстанаўлення індывідуальнага рэжыму працоўнага часу, ўстанаўленне нормаў працы і парадку выплаты заработнай платы, асаблівасці кантрактнай формы найму, парадку разліку пры звальненні, гарантыі работнікам пры часовым пераводзе да іншага наймальніка — гэта найбольш частыя пытанні, з якімі звяртаюцца да прафсаюзных прававых інспектараў. Разам з тым нямала пытанняў, якія датычацца і іншых сфер.

Так, у Дубровенскім ТЦСАН прававы прыём правяла галоўны прававы інспектар працы Віцебскай абласной арганізацыі Беларускага прафесійнага саюза работнікаў дзяржаўных і іншых устаноў Галіна Зубрыцкая і пракурор Дубровенскага раёна Аляксандр Філёненка.

У гэты раз яны разам вызначалі магчымыя шляхі ўстанаўлення факта працы, са шкоднымі ўмовамі працы ў 90-я гады мінулага стагоддзя.

Акрамя таго, у рамках прававога прыёму адбылася сустрэча з працоўным калектывам ТЦСАН у рамках дня прававой асветы і прававой культуры на тэму «Роля прафсаюзаў у прыцягненні работнікаў да дысцыплінарнага спагнання».

Галіна Зубрыцкая звярнула ўвагу прысутных на фактарах наступлення дысцыплінарнай адказнасці і яе відах.

- Нагадаю, што пералік агульных мер дысцыплінарнага спагнання з'яўляецца закрытым. Наймальнік не мае права самастойна або на падставе калектыўных дагавораў (пагадненняў) уводзіць дадатковыя меры дысцыплінарных спагнанняў. Таксама некаторыя кіраўнікі мяркуюць, што да працаўніка, які дапусціў невыкананне або неналежнае выкананне сваіх працоўных абавязкаў, неабходна ўжываць меры дысцыплінарнага спагнання паслядоўна, як яны выкладзены ў ч.1 арт. 198 ПК (спачатку — Заўвага, потым — вымова і г. д.). Аднак захаванне такой паслядоўнасці неабавязкова. Пры выбары спагнання наймальнік павінен улічваць цяжар дысцыплінарнай правіны, абставіны, пры якіх ён здзейснены, папярэднія паводзіны работніка.

Алена Корсакава

Усе навіны