У Дуброўне прайшоў мітынг у падтрымку міру, бяспекі і стабільнасці ў грамадстве

Задоўга да афіцыйнага пачатку мітынгу на плошчы каля помніка Ганне Нікандравай, нягледзячы на дождж збіраліся прадстаўнікі працоўных калектываў, грамадскіх аб'яднанняў, ветэраны працы, моладзь, жыхары горада і раёна — усе тыя, каму неабыякава будучыня дзяцей і ўнукаў, будучыня Беларусі.

Падзеі апошніх дзён, якія адбываюцца пасля завяршэння выбарчай кампаніі ў розных гарадах нашай краіны, не характэрны для Беларусі. Гэта рэалізацыя нечага чужога сцэнара, накіраванага на дэстабілізацыю абстаноўкі ў нашым агульным доме. Гэтага дапусціць нельга.

Дубровенцы - людзі неабыякавыя, таму яны прыйшлі, каб выказаць сваю пазіцыю ў імя захавання краіны, міру і спакою.

Менавіта гэта было лейтматывам усіх выступленняў. Не дапусціць варожасці і расколу ў грамадстве, захаваць усё, што зроблена за апошнія дзесяцігоддзі, зберагчы моладзь ад неабдуманых учынкаў і неправамерных дзеянняў, усім разам падумаць пра будучыню Беларусі - такі асноўны пасыл, які ідзе ад чыстых сэрцаў дубровенцаў.

Усе навіны