У Будскай школе прайшоў адзіны дзень інфармавання

У Будскай дзіцячым садзе-базавай школе праведзены адзіны дзень інфармавання ў рамках інфармацыйна-адукацыйнага праекта «ШАГ». Навучэнцы 8-9 класаў сустрэліся з Наталляй Дашкевіч, начальнікам аддзела статыстыкі Дубровенскага раёна Галоўнага статыстычнага ўпраўлення Віцебскай вобласці.

Сустрэча была прымеркавана да Дня навукі Беларусі. Аднак тэмай дыскусіі сталі не толькі дасягненні нашай суверэннай дзяржавы ў сферы навукі, але і многае іншае.

Спасылаючыся на выказванне Прэзідэнта Рэспублікі Беларусь А.Лукашэнка: «Будучыня нашай эканомікі па ўсіх напрамках - гэта навука. Найноўшыя тэхналогіі. Эканоміка ведаў - гэта адзінае, што нас можа выратаваць як незалежную суверэнную дзяржаву, прымножыць нашы багаццi» , - класны кіраўнік 8 класа Наталля Аўдзеенка арганізавала абмеркаванне такіх пытанняў: «Як навука ўплывала на здзяйсненне індустрыяльных рэвалюцый?» , «Што такое індустрыя 4,0?» , «Як эканоміка сённяшняга новага гібрыднага свету паўплывае на будучыню краіны і прафесійнае самавызначэнне будучых выпускнікоў?» , «Якія прыярытэтныя напрамкі інавацый у Рэспубліцы Беларусь, і наколькі прадуктыўныя іх дасягненні?» , «Чаму ўзрастаюць з кожным годам працэсы цыфравізацыі краіны, і наколькі кожны з нас у гэтым удзельнічае?» , «Як кожны з нас можа паўдзельнічаць у дасягненні Мэтаў ўстойлівага развіцця?»

Асабліва цікава хлопцам было даведацца аб дзейнасці Нацыянальнай акадэміі навук Беларусі і яе інстытутах, аб навуковых дасягненнях краіны, пачынаючы з 2012 года, аб маладых талентах, лаўрэатах і пераможцах праекта «100 ідэй для Беларусі». У працэсе сумеснага дыялогу было ўстаноўлена, чаму адсутнасць доступу да сеткі інтэрнэт і праблема лічбавай няроўнасці - адна з ключавых сацыяльных (і глабальных) праблем гэтага стагоддзя. Свой аповяд педагог суправаджала змястоўнай прэзентацыяй, наглядным матэрыялам.

Паколькі сёння абмен дадзенымі - залог эканамічнага росту і грамадскага дабрабыту, а статыстычныя дадзеныя з'яўляюцца асновай у аналізе ўзроўню развіцця краіны ва ўсіх сферах дзейнасці, вельмі дарэчным быў выступ Наталлі Дашкевіч, якая распавяла навучэнцам аб статыстыцы як навуцы, яе месцы і ролi ў развіцці грамадства. Хлопцы пераканаліся ў тым, што статыстыка - гэта навука, якая прадстаўляе сабой складаную, разгалінаваную сістэму навуковых дысцыплін. Атрыманыя веды аб статыстыцы як навуцы дапамогуць дзецям разумець лічбы і асэнсавана імі карыстацца, аналізаваць і супастаўляць іх, а галоўнае - азы статыстычнай адукаванасцi пашыраць кругагляд і павысяць узровень ведаў.

У ходзе абмену думкамі ў канцы інфармацыйнаq гадзіны хлопцы пераканаліся ў тым, што навука - наймагутны рухавік грамадскага прагрэсу. Яна дазваляе нам падаўжаць жыццё, сачыць за станам здароўя, дзякуючы ёй мы можам вырабляць лекі, каб лячыць хваробы і палягчаць боль, яна дапамагае нам задаволіць базавыя патрэбы, у тым ліку ў ежы, і здабываць энергію. На прыканцы сустрэчы хлопцы прагледзелі лаканічны і яркі відэаролік, які дазволіў убачыць перспектыву дасягненняў навукі да 2030 года і вызначыць сваё месца ў будучыні краіны.

Усе навіны