27 жніўня 2020
Рэалізацыя інвестыцыйнага праекта ў Віцебскай вобласці
Указам
Прэзідэнта Рэспублікі Беларусь «Аб зацвярджэнні міжнародных дагавораў і іх
рэалізацыі» ад 3 жніўня 2020 г. №296 (далей Указ №296), апублікаваным
на Нацыянальным прававым інтэрнэт-партале Рэспублікі
Беларусь, зацверджаны міжнародныя дагаворы аб рэалізацыі
інвестыцыйнага праекта «Пашырэнне ўстойлівага энергакарыстання».
Давер
міжнародных фінансавых арганізацый да Рэспублікі Беларусь як да шматгадовага
надзейнага і добрасумленнага партнёра пацверджаны прадастаўленнем фінансавых
сродкаў для рэалізацыі новага сумеснага інвестыцыйнага праекта ў сферы
павышэння энергаэфектыўнасці ў нашай краіне.
Указ
№296 быў распрацаваны з мэтай выканання ўнутрыдзяржаўных працэдур па
ўступленнi ў сілу падпісаных з Міжнародным банкам рэканструкцыі і развіцця
(МБРР) і Еўрапейскім інвестыцыйным банкам (ЕІБ) фінансавых пагадненняў для
рэалізацыі інвестыцыйнага праекта «Пашырэнне ўстойлівага энергакарыстання»
(Далей - інвестпраект).
Для
выканання інвестпраекта, разлічанага на 2020-2025 гады, прыцягваюцца пазыковыя
сродкі ў суме 180 млн. еўра ад МБРР і ЕІБ ў роўных долях. Яшчэ 3,65 млн.
долараў у выглядзе грантавых сродкаў вылучаныя Глабальным экалагічным фондам.
Дадзены
інвестпраект падрыхтаваны для развіцця работ па замяшчэнню выкарыстання
дарагога імпартаванага прыроднага газу мясцовым драўняным палівам для
цеплазабеспячэння і па рэалізацыі Указа Прэзідэнта Рэспублікі Беларусь ад 4
верасня 2019 г. №327 «Аб павышэнні энергаэфектыўнасці шматкватэрных жылых
дамоў».
Указам
зацвярджаюцца падпісаныя фінансавыя пагаднення з МБРР і ЕІБ, размяркоўваюцца
сумы крэдытных сродкаў паміж аблвыканкамамі ў залежнасці ад колькасці
рэалізуемых мерапрыемстваў, вызначаюцца выканаўчыя і адказныя за
рэалізацыю праекта арганізацыі, механізм вяртання крэдытных рэсурсаў і
прадастаўленне падатковых ільгот пры рэалізацыі інвестпраекта.
У
Віцебскай вобласці ў рамках інвестпраекта плануецца ажыццявіць рэканструкцыю
кацельні «Агрос» г.Віцебск Віцебскага камунальнага вытворчага
ўнітарнага прадпрыемства кацельных і цеплавых сетак «ВПКiТС».
Рашэннем
Віцебскага абласнога выканаўчага камітэта ад 13 жніўня 2020 года №468 «Аб
вызначэнні заказчыка», адказным за рэалізацыю мерапрыемства «Рэканструкцыя
кацельні «Агрос»: пераклад кацельні на спальванне дранкі паліўнай» ў г.Віцебску,
вул. 3я Чэпiнская, 40 у рамках інвестыцыйнага праекта «Пашырэнне ўстойлівага энергакарыстання» вызначана Віцебскае камунальнае вытворчае
ўнітарнае прадпрыемства кацельных і цеплавых сетак «ВПКiТС».
Хочацца
адзначыць, што прадпрыемства «ВПКiТС» першае ў Рэспубліцы Беларусь
прадставіла ў Дэпартамент па энергаэфектыўнасці распрацаваны архітэктурны
праект і станоўчае заключэнне Дзяржбудэкспертыза. Згодна праекта ў
кацельні запланавана ўкараненне двух дадатковых катлоў на мясцовых відах
паліва з механізаванай загрузкай паліва сумарнай магутнасцю 4 МВт.
Дзякуючы
своечасовай падачы ўсіх неабходных дакументаў па дадзеным аб'екце ў
РУП «Белінвестэнергазберажэнне» Дэпартамента па энергаэфектыўнасці 21 жніўня
2020 года абвешчаны конкурсныя таргі па выбары генеральнага падрадчыка будаўніцтва.
Таргі
будуць праводзіцца з дапамогай міжнароднай канкурэнтнай закупкі з выкарыстаннем
метаду адбору запыту на падачу конкурсных заявак (RFB).
Заданне
ўключае: праектаванне, выраб, правядзенне выпрабаванняў, дастаўку, мантаж,
завяршэнне і ўвод у эксплуатацыю аб'екта. Тэрмін выканання работ - 11,5 месяцаў
з моманту падпісання кантракту.
Пры
дапамозе сродкаў міжнародных фінансавых арганізацый у Віцебскай вобласці будзе
рэалізаваны яшчэ адзін праект па пераводу кацельняў на паліўную дранку. Што будзе
спрыяць памяншэнню спажывання імпартаванага віду паліва - прыроднага
газу і зніжэння сабекошту аказваемых паслуг па цеплазабеспячэнні
дзяржаўнага прадпрыемства «ВПКiТС».
Віцебскае
абласное ўпраўленне
па наглядзе за рацыянальным
выкарыстаннем паліўна-энергетычных рэсурсаў.
Усе навіны