11 верасня 2020
Лідэры новага пакалення
Што вызначае лідэра? Безумоўна, гэта рашучасць, а яшчэ ўменне
весці за сабой і натхняць калектыў. Гэтыя і многія іншыя якасці
ўласцівы дваццаціаднагадовай Анастасіі Арбузавай, сакратару пярвічнай
арганізацыі ГА «БРСМ» ААТ «Баброва-Агра». Мы сустрэліся з ёй, каб
даведацца аб дзейнасці першаснай арганізацыі прадпрыемства, новых ідэях, і,
вядома, планах на будучыню.
Анастасія Арбузава скончыла аграрны каледж у
Смальянах, дзе атрымала спецыяльнасць эканаміста і арганізатара
вытворчасці. Вярнулася на Дубровеншчыну і у 2018 годзе прыйшла ў калектыў
ААТ «Баброва-Агра» на пасаду бухгалтара. Ужо ў пачатку свайго
прафесійнага шляху дзяўчына зарэкамендавала сябе не толькі добрым
спецыялістам, але і актыўным членам маладзёжнай арганізацыі. Яна ўдзельніца
спартыўных і культурных мерапрыемстваў рабочай моладзі на раённым і
абласным узроўнях. Гэтым і заслужыла права стаць лідэрам першаснай
арганізацыі БРСМ у сельгаспрадпрыемстве.
-Яшчэ ў школе мы былі актыўнымі ўдзельнікамі ўсіх грамадскіх
мерапрыемстваў, якія праводзяцца па лініі БРСМ. Таму стаць сакратаром пярвічкі
сельгаспрадпрыемства было для мяне па-асабліваму прыемна і важна, -
распавяла яна.
Самым значным мерапрыемствам бягучага года Анастасія лічыць удзел у
раённых мерапрыемствах, прысвечаных 75-годдзю Вялікай Перамогі. На
ўрачыстым мітынгу, прысвечаным гэтай даце, ў Парку Воінскай Славы
Анастасіі выпаў гонар выступіць са словамі віншаванняў і
падзякі ад усёй моладзі Дубровеншчыны. Таксама яна ганарыцца тым, што
была ў ліку актыву раённага камітэта, каму надарылася магчымасць
павіншаваць ветэрана Вялікай Айчыннай вайны Анатоля Маркавіча
Сіняўскага з Днём Перамогі.
Анастасія ахвотна падтрымлівае і ўсе мерапрыемствы, звязаныя са
спортам, - гуляе ў валейбол, удзельнічае ў розных спаборніцтвах.
Напрыклад, у лютым з раённай спартакіяды сярод сельскай моладзі
каманда ААТ «Баброва-Агра» прывезла адразу два дыпломы - за першае месца
па стральбе і за другое - па гульні ў шашкі.
У складанай эпідэміялагічнай сітуацыі, звязанай з COVID-19, у
якой знаходзілася наша краіна ў пачатку бягучага года, Анастасiя была
валанцёрам раённага атрада, члены якога аказвалі дапамогу пажылым
людзям у куплі і дастаўцы неабходных лекаў і прадуктаў харчавання.
На пытанне аб тым, як прыцягваць моладзь у шэрагі БРСМ, Анастасія
падкрэсліла неабходнасць паказваць бязмежныя магчымасці
арганізацыі ў рэалізацыі ідэй і талентаў, а таксама шчырае жаданне быць
карысным.
-Для мяне важна самой зацікавіцца ідэяй, каб потым данесці яе
да сваіх калег. Вядома, як і ў любым калектыве, людзі ёсць розныя.
Хтосці з натхненнем бярэцца за нешта новае, для кагосці гэта будзе ў
цяжар. Лічу, што галоўнае - знайсці дух адзінства і цалкам яго
захаваць, - сказала Анастасія Арбузава. - З падзякай скажу аб
механізатары сельгаспрадпрыемства Юрыі Кураедаве. Ён не толькі сталы
пераможца раённых спаборніцтваў ва ўборцы ўраджаю сярод старэйшых
камбайнераў ва ўзросце да 31 года і ўдзельнік абласнога свята «Дажынкі» ў 2018-2019 гг, але і пастаянны ўдзельнік шматлікіх мерапрыемстваў
БРСМ. Адно з апошніх - удзел у інтэрнэт-чэленджы #раЗАмзбацькам,
для якога яны ўсёй сям'ёй знялі і змантавалі відэаролік. Таксама гэта
выдатная, дружная сям'я прадставіла наш раён на абласным
адборачным этапе рэспубліканскага сельскагаспадарчага праекта
«Уладар сяла».
Удзел у розных акцыях і мерапрыемствах для Анастасіі як сакратара
- гэта яшчэ і выдатная магчымасць лепш пазнаёміцца са сваім
калектывам. Бо час, праведзены разам, служыць у якасці
ўзаемадзеяння з людзьмі, што значна пашырае кола інтарэсаў і
поглядаў.
Члены першаснай арганізацыі ААТ «Баброва-Агра» заўсёды імкнуцца
прымаць удзел у розных мерапрыемствах, падтрымліваюць
дабрачынныя акцыі. Усё гэта дзякуючы ініцыятыўнасці яе сакратара -
Анастасіі Арбузавай. Яна па-філасофску настроена на аптымізм, актыўная і
неабыякавая, пераканаўчая. Адным словам, пяршоўцы БРСМ ААТ
«Баброва-Агра» з іх лідэрам сумаваць не прыходзіцца.
Дарэчы, у гэтым годзе Анастасiя будзе паступаць у Горацкую сельскагаспадарчую акадэмію на завочнае аддзяленне. Удачы!
Юлія СТАРАВОЙТАВА.
Усе навіны