Дубровенскія ратавальнікі дзесяць гадзін змагаліся з агнём

Нягледзячы на ​​шматлікія папярэджанні ад работнікаў МНС, людзі працягваюць ігнараваць выкананне элементарных правілаў пажарнай бяспекі, працягваючы разводзіць вогнішчы на ​​сваіх прысядзібных участках? пакідаючы іх без нагляду, выпальваць сухую расліннасць, тым самым становячыся віноўнiкамі ўзнікнення пажараў. Ад такіх спосабаў навядзення парадкаў, а таксама ад чалавечай бестурботнасці з агнём часта пакутуюць і невінаватыя грамадзяне. Ратавальнікі пастаянна сутыкаюцца з выпадкамі, калі падчас спальвання гаспадарамі смецця, распальвання вогнішча падчас адпачынку на прыродзе агонь перакідваўся на пабудовы і знішчаў.

Так, адным з гарачых дзён пажаранебяспечнай вясны было у работнікаў МНС 9 красавіка ў аг. Асінторф, дзе з-за загарання сухой травы і кустоў была пашкоджана гаспадарчая пабудова, а таксама знішчана 6 старых будынкаў.

Яшчэ адна маштабная сутычка ратавальнікаў з агнём была 22 красавіка. У 16.45 на цэнтр аператыўнага кіравання Дубровенскага РАНС паступіла паведамленне аб пажары ў аг. Сіпішчава Дубровенскага раёна.

Да прыбыцця першага падраздзялення Дубровенскага РАНС назіралася адкрытае гарэнне двух хлявоў і даху 2-х кватэрнага дома, на ліквідацыю якіх было задзейнічана 5 баявых машын і 15 чалавек асабовага складу. Для лакалізацыі пажару выратавальнікам спатрэбілася 10 гадзін бесперапыннай барацьбы. На шчасце, ніхто не пацярпеў.

Па дадзеным пажары праводзіцца праверка. Прычына пажару высвятляецца.

Паважаныя жыхары Дубровенскага раёна, будзьце пільныя пры развядзенні вогнішчаў, спальванні смецця, эксплуатуйце толькі спраўнае электраабсталяванне, а таксама не парушайце правілы эксплуатацыі газавых прыладаў і агрэгатаў.

Аляксандр Белкiн, Дубровенскі РАНС

Усе навіны