9 лістапада 2020
11 лістапада - Міжнародны дзень энергазберажэння
У 2008 годзе па
ініцыятыве ўдзельнікаў Міжнароднага школьнага праекта па выкарыстанні
рэсурсаў і энергіі SPARE 11 лістапада абвешчана Днём энергазберажэння.
У мэтах прыцягнення
ўвагі грамадскасці да рацыянальнага выкарыстання рэсурсаў і развіццю
аднаўляльных крыніц энергіі Рэспубліка Беларусь падтрымала і
далучылася да святкавання Міжнароднага дня энергазберажэння. У 2020 годзе
Рэспубліка Беларусь адзначае Міжнародны дзень энергазберажэння ў
дванаццаты раз.
З дня ўтварэння
незалежнай дзяржавы - Рэспублікі Беларусь - востра паўстала пытанне забеспячэння
развіцця краіны ва ўмовах дэфіцыту ўласных энергарэсурсаў. Беларусь была
адной з самых энергаёмістых рэспублік былога СССР. Урад рэспублікі
прыняў рашэнне, што адным з прыярытэтаў развіцця стане энергазберажэнне. У
красавіку 1993 года быў утвораны Камітэт па энергазберажэнню і энергетычнаму
нагляду пры Савеце Міністраў Рэспублікі Беларусь. У чэрвені 1998 года ў Віцебскай
вобласці пачало сваю працу Віцебскае абласное ўпраўленне па наглядзе за
рацыянальным выкарыстаннем ПЭР. Упаўнаважаны рэспубліканскі орган у сферы
энергазберажэння - Дэпартамент па энергаэфектыўнасці Дзяржаўнага камітэта
па стандартызацыі Рэспублікі Беларусь, які праводзіць дзяржаўнае
кіраванне ў сферы энергазберажэння.
У мэтах рэалізацыі
палажэнняў Дырэктывы Прэзідэнта Рэспублікі Беларусь ад 14.06.2007 №3 «Аб
прыярытэтных кірунках ўмацавання эканамічнай бяспекі дзяржавы»,
Закона Рэспублікі Беларусь ад 08.01.2015 №239-З «Аб энергазберажэнні», а таксама
у сувязі з правядзеннем 11 лістапада Міжнароднага дня энергазберажэння,
Дэпартаментам па энергаэфектыўнасці ініцыюецца правядзенне ў перыяд з 9 па 20
лістапада 2020 г. рэспубліканскай інфармацыйна-адукацыйнай акцыі «Беларусь -
энергаэфектыўная краіна».
Вельмі важна, каб
заканадаўча замацаваная дзяржаўная палітыка энергазберажэння мела
водгук і як мага больш шырокую падтрымку ў грамадстве.
Энергазберажэнне -
працэс шматгранны, ён ахоплівае розныя сферы чалавечай дзейнасці. Па
сутнасці, гэта лад жыцця народа, грамадства, які выпрацоўвае пэўны
псіхалагічны алгарытм паводзін. Якім будзе будучыня нашай краіны - у
многiм залежыць ад каштоўнасных асноў паводзін, якія закладваюцца ў
свядомасць
дзяцей у працэсе навучання. Несумненна, галоўную ролю ў гэтым працэсе
займаюць экалагічная адукацыя і выхаванне, а таксама прывіццё навыкаў
беражлівых адносін да энергарэсурсаў, якімі валодае чалавецтва.
Вядучая роля ў гэтым працэсе належыць сістэме адукацыі.
Місію
фарміравання разумення важнасці энергазберажэння, энергаэфектыўнасці і
выкарыстання экалагічна чыстых крыніц энергіі ў падрастаючага пакалення
нясе ў сабе рэспубліканскі конкурс «Энергамарафон». Ужо 13 гадоў
праводзіцца гэты конкурс Дэпартаментам па энергаэфектыўнасці Дзяржаўнага
камітэта па стандартызацыі Рэспублікі Беларусь.
Ідэалогія
энергазберажэння накіравана на паляпшэнне экалагічнай абстаноўкі ў краіне,
свеце.
Сучаснае грамадства
спажывае ўсё больш энергіі, што звязана з ростам колькасці жыхароў Зямлі,
мадэрнізацыяй аснашчанасці іх жылля, а таксама з нарошчваннем маштабаў
прамысловай вытворчасці. Энергазберажэнне не выпадкова мае статус адной з
самых сур'ёзных задач XXI стагоддзя.
Актуальнасць праблемы
эканоміі рэсурсаў прызнана ва ўсіх развітых краінах, паколькі ад яе вырашэння
залежыць месца дзяржаў на сусветным рынку, а шмат у чым і ўзровень жыцця
насельніцтва.
Ключавым элементам
сусветнай энергетычнай стратэгіі апошніх гадоў з'яўляецца скарачэнне і
стабілізацыя вытворчасці энергіі. Важная роля ў гэтай стратэгіі належыць
энергазберажэнню, як дадатковай важкай крыніцы энергіі. Сусветны вопыт
паказвае, што кожныя тры працэнты зберажэння энергіі могуць павысіць узровень
нацыянальнага даходу на адзін працэнт, даючы ў выніку сур'ёзныя
макраэканамічныя выгады.
Правядзенне ў жыццё
энергазберагальнай палітыкі дазваляе скараціць спажыванне энергарэсурсаў, павысіць
энергетычную бяспеку краіны, паменшыць уздзеянне на навакольнае асяроддзе,
а значыць аслабіць нагрузку на дзяржаўны бюджэт і павысіць эканамічную
эфектыўнасць і ўстойлівасць дзяржавы.
Самыя простыя спосабы
энергазберажэння даступны любому і могуць прымяняцца ў побыце паўсюдна. З
метадычнымі рэкамендацыямі, навучальнымі дапаможнікамі, а таксама практычнымі
спосабамі эфектыўнага выкарыстання энергарэсурсаў у побыце можна азнаёміцца
на афіцыйным сайце Дэпартамента па энергаэфектыўнасці.
Інфармацыя
прадастаўлена Віцебскім абласным ўпраўленнем па наглядзе за
рацыянальным выкарыстаннем паліўна-энергетычных
рэсурсаў.
Усе навіны