06.11.2019

Урад і Нацбанк рыхтуюць план мер для паскоранага росту эканомікі Беларусі

 

Урад і Нацыянальны банк рыхтуюць план сістэмных мер для паскоранага росту эканомікі Беларусі, паведаміў сёння прэм'ер-міністр Сяргей Румас на нулявым чытанні бюджэту ў Палаце прадстаўнікоў, перадае карэспандэнт БЕЛТА.

"У адпаведнасці з рашэннем кіраўніка дзяржавы ў бліжэйшы час урадам сумесна з Нацыянальным банкам будзе зацверджаны план сістэмных мер, якія фарміруюць умовы для паскоранага росту эканомікі Беларусі", - сказаў Сяргей Румас.

Паводле слоў прэм'ер-міністра, прадугледжаныя планам меры накіраваны на павышэнне эфектыўнасці работы дзяржаўных арганізацый, развіццё малога і сярэдняга бізнесу, стымуляванне прытоку інвестыцый, задзейнічанне невыкарыстоўваемых рэзерваў эканамічнага росту.

"Рэалізацыя прапануемых мер запланавана ў 2020 годзе. Пераважна яны маюць сярэднетэрміновы характар і фарміруюць умовы, неабходныя для ўстойлівага, збалансаванага і дынамічнага росту ў наступны пяцігадовы перыяд", - дадаў кіраўнік урада.