23.12.2019

Беларусь і Расія плануюць падпісаць балансы паставак прадуктаў харчавання на 2020 год да канца месяца

 

Беларусь і Расія плануюць падпісаць балансы паставак прадуктаў харчавання на 2020 год да канца месяца. Аб гэтым заявіў намеснік прэм'ер-міністра Уладзімір Дворнік у інтэрв'ю тэлеканалу "Беларусь 1", паведамляе карэспандэнт БЕЛТА.

"Балансы мы штогод падпісваем у канцы года. Яны ўжо ў прынцыпе адпрацаваны і задавольваюць і нас, і расійскі бок. Таму, думаю, да канца года нашы міністэрствы падпішуць іх", - сказаў Уладзімір Дворнік.

Як раней адзначаў міністр сельскай гаспадаркі і харчавання Анатоль Хацько, бакі планавалі балансы паставак на будучы год з пэўным ростам у параўнанні з 2019-м. "Мы рухаемся да павелічэння паставак як з боку Расіі да нас, так і з нашага боку на расійскі рынак", - сказаў міністр у канцы кастрычніка.