16.06.2025

Час першых навыкаў і самастойнага заробку

Дзяржава ў значнай ступені спрыяе летняй занятасці моладзі ў далучэнні яе да грамадска карыснай працы, атрыманні працоўных навыкаў і вопыту, а таксама аказанні фінансавай падтрымкі.

Летняя пара самая прывабная, але і самая ўразлівая для падрастаючага пакалення і моладзі. Бо большая колькасць часу, калі ты не адпачываючы аздараўленчага лагера і не ўдзельнік творчага калектыву, падлетак прадастаўлены сам сабе. Усялякія бескантрольныя фарматы адпачынку на азёрах, кемпінгі і г.д. не заўсёды сканчаюцца добра. Навошта ж губляць час і апускацца ў віртуальны свет гаджэтаў і рызык, ламаць галаву над тым, чым сябе пацешыць. Усё ўжо прыдумана. У моладзі ёсць варыянты, як арганізаваць свой летні вольны час і пры гэтым яшчэ і зарабіць.

Модным і актуальнае напрамкам для арганізацыі часу моладзі ў летні перыяд часу – часовая занятасць, якая з'яўляецца важным аспектам для асобаснага развіцця маладых людзей, для сацыяльна-эканамічнага развіцця грамадства. Гэта дае маладым людзям магчымасць набыць першыя працоўныя навыкі, палепшыць матэрыяльнае становішча, спрыяе развіццю працоўнай адаптацыі і падрыхтоўкі да самастойнай працы.

Адзін з варыянтаў - праца ў студэнцкіх атрадах Беларускага рэспубліканскага саюза моладзі. Усё проста і даступна. А галоўнае, цікава і прыбыткова. Гэта на самай справе практычны вопыт у розных сферах, дзе можна асвоіць новыя працоўныя ўменнямі і навыкі, якія могуць быць карысныя ў далейшым. Памятаеце, мы не заўсёды ведаем, як павернецца наша жыццё, кім мы станем. Дык навошта выпускаць час, калі можна прапампаваць свой скiл ўжо цяпер.

Праца ў студэнцкіх атрадах дапамагае навучыцца працаваць у калектыве, выбудоўваць дзелавыя адносіны. Бо размеркаванне роляў паміж кіраўніком і падначаленымі там таксама маецца. Так званыя камандзіры і камісары арганізоўваюць тваю занятасць унутры атрада, ставяць задачы і кантралююць ход іх выканання. Здавалася б, узрост яшчэ юны, але ўжо можаш праверыць сябе ў ролі кіраўніка.

Самае прывабнае для моладзі ў працоўнай занятасці - першыя самастойна заробленыя грошы. Заробак падчас летняй занятасці можа дапамагчы набыць неабходныя рэчы, назапасіць сродкі на адукацыю або проста палепшыць сваё матэрыяльнае становішча. Але не ўсе грашыма мераецца. Праца ў складзе студэнцкіх атрадаў спрыяе фармаванню адказнасці, дысцыплінаванасці, камунікабельнасці і самастойнасці. А гэта важныя якасці для далейшага прасоўвання. Гэта выдатная магчымасць пазнаёміцца з новымі людзьмі, пашырыць свой круг зносін і ўсталяваць карысныя кантакты.

А яшчэ студэнцкая моладзь у перыяд навучання, акрамя працы ў студэнцкіх атрадах, знаходзіць варыянты і індывідуальнага працаўладкавання.

Акрамя студэнцкіх атрадаў, прапануецца папрацаваць у лагерах працы і адпачынку, што дазваляе не толькі працаваць, але і адпачываць, удзельнічаць у спартыўных і забаўляльных мерапрыемствах і праграмах. І тут таксама важны момант. Хацеў бы звярнуць увагу, што можна пашырыць межы лагера працы і адпачынку, і, напрыклад, вызначыць аб'ект, скажам, крыніцу, і сваімі сіламі прывесці яго ў належны стан: пачысціць купель, прылеглую тэрыторыю, правесці фарбавальныя і рамонтныя работы, удыхнуць у яе сваю, маладзёжную атмасферу і зрабіць месцам прыцягнення насельніцтва для адпачынку. Увогуле, пакінуць свой след у тэме добраўпарадкавання свайго горада і пасёлка.

У цэлым, летняя занятасць - гэта не толькі спосаб заробку, але і выдатная магчымасць для моладзі атрымаць каштоўны вопыт, развіваць свае асабістыя якасці і падрыхтавацца да будучай працоўнай дзейнасці.

dubrovno.by