15.01.2026

У працяг мерапрыемстваў акцый "Нашы дзеці" і "Ад усёй душы" старшыня Дубровенскага Савета дэпутатаў наведала Дубровенскі ТЦСАН

Кіраўнік раённага корпуса дэпутатаў Алена Ціханава перадала падарункі ад Віцебскай абласной асацыяцыі мясцовых Саветаў дэпутатаў.

— Мы сустракаемся сёння напярэдадні Старога Новага года. Гэта дзіўны час, калі ідзе чарада навагодніх і калядных святаў. Яна багатая народнымі традыцыямі. Так, вечар 13 студзеня нашы продкі называлі Шчадрэц. Ён сімвалізаваў шырыню славянскай душы, гатовай сагрэць цяплом усіх навакольных і прымаючай шчыра і чужую радасць, і чужую бяду.

У сучасным беларускім грамадстве развілі гэтую спрадвечна народную традыцыю, і ўжо не адно дзесяцігоддзе ў навагоднія дні ў цэнтры ўвагі тыя беларусы, якія, так бы мовіць, складаюць сутнасць самога жыцця: гэта дзеткі — наша радасць і наша будучыня, і людзі старэйшага пакалення, нашы бацькі, якія выхавалі нас і пабудавалі сваёй працай тое, на падмурку чаго мы будуем сваё жыццё і ствараем зачын для нашых дзяцей.

Ініцыяваныя Прэзідэнтам краіны Аляксандрам Лукашэнкам акцыі, якія шырока падтрымлівае грамадскасць Беларусі, паказвае сталасць нашага грамадства, гатоўнасць браць на сябе адказнасць за тых, хто асабліва мае патрэбу ў дапамозе і падтрымцы.

Вось і Віцебская абласная асацыяцыя мясцовых Саветаў дэпутатаў, у якую ўваходзіць і дэпутацкі корпус Дубровеншчыны, стварыла такі фонд, з якога потым фінансуецца рэалізацыя грамадзянскіх ініцыятыў, сацыяльных праектаў і падтрымка людзей, якія патрабуюць асаблівай увагі. Дзякуючы гэтаму я сёння з пачуццём вялікай падзякі і павагі магу перадаць гэтыя падарункі, — сказала Алена Ціханава.

Яна ўручыла шматдзетнай маці Кацярыне Доўбыш, якая выхоўвае дзіця-інваліда, рабатызаваны тэрапеўтычны трэнажор, які неабходны яе дачцэ, а таксама яркія цацкі для ўсіх дзетак. Акрамя таго, старшыня Дубровенскага раённага Савета дэпутатаў перадала дырэктару ТЦСАН Таццяне Кір'янавай сертыфікат на ўмацаванне матэрыяльнай базы АКП.

А работнікі ТЦСАН пастараліся зрабіць сустрэчу па-сапраўднаму яркай і маляўнічай, забяспечыўшы дзеткам сустрэчу з Дзедам Марозам і Снягуркай.

dubrovno.by