01.09.2025

У Дуброўне адбыліся сустрэчы з працоўнымі калектывамі прадпрыемстваў і арганізацый у рамках правядзення адзінага дня інфармавання

Тэма абмеркавання "Адукацыя і навука - рухаючыя сілы развіцця грамадства і дзяржавы".

З працоўным калектывам ДРЭС сустрэўся старшыня Дубровенскага райвыканкама Алег Макарэвіч.

- На сённяшні дзень адукацыя ў нашай краіне дазваляе задаволіць патрэбы эканомікі ў працоўных рэсурсах. У Беларусі сфарміравана сістэма, якая аб'ядноўвае заказ на падрыхтоўку кадраў, — звярнуў увагу кіраўнік раёна.

Ён падкрэсліў, што школа, каледж, ВНУ — гэта шлях, які адкрывае чалавеку магчымасці для прафесійнага росту і самарэалізацыі. Але важна і самаадукацыя: сучасныя тэхналогіі даюць кожнаму магчымасць вучыцца ўсё жыццё.

Спікер расказаў аб стане і перспектывах развіцця айчыннай навукі, сістэме стымулявання і прыцягнення ў навуковую сферу адоранай моладзі, а таксама аб гатоўнасці школ раёна да новага навучальнага года.

— Адукацыя і навука з'яўляюцца ключавымі фактарамі, якія вызначаюць прагрэс і развіццё як грамадства, так і дзяржавы. Адукаваныя людзі больш актыўна ўдзельнічаюць у грамадскім жыцці, прымаюць усвядомленыя рашэнні і ўносяць уклад у развіццё грамадзянскай супольнасці, — адзначыў Алег Аркадзьевіч.

Адукацыя і навука — аснова развіцця грамадства і дзяржавы, а клопат пра чалавека павінен заставацца галоўным прыярытэтам. У канцы сустрэчы старшыня райвыканкама адказаў на пытанні дубровенцаў, а таксама пазначыў асноўныя напрамкі, якім будзе нададзена ўвага кіраўніцтвам у бліжэйшы час. Сярод іх не толькі сельская гаспадарка, але і сфера паслуг, прыцягненне інвестыцый, кадравыя пытанні. Алег Макарэвіч падзякаваў калектыву за іх працу, заклікаў усіх і далей добрасумленна працаваць на сваіх працоўных месцах, разам прыкладаць максімум намаганняў для таго, каб рэгіён развіваўся.

dubrovno.by