16.03.2026

У Дуброўне адбылася пазачарговая сесія раённага Савета дэпутатаў

На мінулым тыдні ў Дуброўне адбылася пазачарговая сесія раённага Савета дэпутатаў, на якой быў прыняты шэраг важных рашэнняў. Адно з іх - унясенне змяненняў у раённы бюджэт на 2026 год, якое прадугледжвае выдзяленне дадатковых фінансавых сродкаў на такія сферы жыццядзейнасці раёна як сельская гаспадарка, адукацыя, ахова здароўя, фізічная культура і спорт і іншыя.

Некаторыя пытанні парадку дня тычыліся ўнясення змяненняў у раней прынятыя Саветам дэпутатаў рашэнні. Аргументаваныя тлумачэнні па іх былі дадзены начальнікам фінансавага аддзела райвыканкама Аляксандрам Багінавым. У асноўным яны тычыліся прывядзення раней прынятых рашэнняў у адпаведнасць са зменамі падатковага заканадаўства. Таксама на сесіі была зацверджана інвестыцыйная праграма Дубровенскага раёна на 2026 год і рэгіянальны комплекс мерапрыемстваў па рэалізацыі Дзяржаўнай праграмы "Экалогія" на 2026 – 2030 гады.

З рэгіянальным комплексам мерапрыемстваў па рэалізацыі Дзяржаўнай праграмы "Экалогія" на 2026 – 2030 гады па Дубровенскім раёне азнаёміў начальнік раённай інспекцыі прыродных рэсурсаў і аховы навакольнага асяроддзя Уладзімір Вялейшчыкаў. Па выніках абмеркавання рэгіянальны комплекс мерапрыемстваў таксама быў зацверджаны. Такім чынам, дэпутаты заклалі аснову для комплекснага развіцця раёна на бліжэйшы час.

dubrovno.by