15.05.2025

У Дуброўне пройдуць прафілактычныя мерапрыемствы

З 16 па 18 мая супрацоўнікі Дзяржаўтаінспекцыі Віцебскай вобласці правядуць комплекс прафілактычных мерапрыемстваў, накіраваных на папярэджанне ДТЗ з удзелам веласіпедыстаў, вадзіцеляў мотатранспарту, а таксама асоб, якія перасоўваюцца на СПМ.

Будзе ажыццяўляцца адпрацоўка населеных пунктаў і прылеглых да іх аўтадарог, накіраваных на папярэджанне і спыненне парушэнняў правілаў дарожнага руху веласіпедыстамі, асобамі, якія перасоўваюцца на СПМ, кіроўцамі мотатранспарту.

Рух на веласіпедзе павінен ажыццяўляцца па веласіпеднай дарожцы, а пры яе адсутнасці — па абочыне або пешаходнай дарожцы, не ствараючы перашкоды для бяспечнага руху пешаходаў. Пры адсутнасці названых элементаў дарогі або немагчымасці руху па іх дапускаецца рух веласіпедыстаў па праезнай частцы дарогі ў адзін шэраг не далей 1 метра ад яе правага краю.

dubrovno.by