24.09.2025

У Дуброўне пройдзе адзіны дзень бяспекі

Будзь яркім! Стань прыкметным! Пад такім дэвізам 26 верасня будзе праводзіцца адзіны дзень бяспекі па ўсёй краіне.

Асноўнай яго мэтай з'яўляецца напамін пра важнасць выкарыстання святлоадбівальных элементаў і камізэлек павышанай бачнасці пешаходамі, веласіпедыстамі і возчыкамі гужавога транспарту. У сувязі з надыходам восені вырасла рызыка здарэнняў з удзелам пешаходаў. Небяспечна рухацца па абочыне і ўздоўж праезнай часткі, а ўжо тым больш перасякаць яе ў цёмны час сутак або ва ўмовах недастатковай бачнасці, паколькі пешаход дзякуючы ўключаным фарам бачыць транспарт, які рухаецца, а кіроўца можа і не заўважыць пешахода. Вялікая колькасць ДТЗ у гэты перыяд здзяйсняюцца ў цёмны час сутак або ва ўмовах абмежаванай бачнасці.

У дні, калі дарожную абстаноўку ўскладняюць дажджы і туманы, сітуацыя толькі пагаршаецца. Кіроўцы проста не бачаць чалавека, які знаходзіцца на праезнай частцы. У большасці выпадкаў такія дарожныя здарэнні заканчваюцца для іх удзельнікаў трагічна. Гэта адбываецца таму, што з месца кіроўцы ўсе цёмныя і не маючыя актыўнага святла аб'екты на праезнай частцы цалкам зліваюцца з цемрай і становяцца практычна нябачнымі. Для чалавека, якi сядзіць за рулём, гэтая праблема ўскладняецца яшчэ сляпучым святлом фар ад сустрэчнага патоку аўтамабіляў. Каб засцерагчы сябе, неабходна выкарыстоўваць святлоадбівальныя элементы. Прынцып іх дзеяння заснаваны на тым, што святло, трапляючы на рабрыстую паверхню з спецыяльнага пластыка, канцэнтруецца і адлюстроўваецца. Але проста насіць флікеры недастаткова. Важна, каб кіроўца ўбачыў вас і своечасова зрэагаваў. Іх лепш за ўсё насіць адначасова два ці больш, на правай і левай руцэ. Самы дзейсны флікер – жоўтага або белага колеру. Памятаеце: каб любая прысутнасць чалавека на начной дарозе была бяспечнай, ён павінен максімальна сябе пазначыць!

Паважаныя ўдзельнікі дарожнага руху, калі вы бачыце, што па праезнай частцы перасоўваецца п'яны пешаход, веласіпедыст, альбо асоба кіруючая сродкам персанальнай мабільнасці, пры гэтым не пазначаныя святлоадбівальнымі элементамі, Дзяржаўтаінспекцыя просіць грамадзян неадкладна паведамляць пра гэта па тэлефоне 102 у бліжэйшае падраздзяленне ДАІ. Зрабіць гэта можна ананімна. Магчыма, ваш званок дапаможа захаваць чыёсцi жыццё.

Старшы інспектар ДПС АДАІ Дубровенскага райвыканкама.

dubrovno.by