16.03.2026

У Дуброўне прайшлі тактыка-спецыяльныя вучэнні па дзеяннях у выпадку паводкі

У Дуброўне прайшлі тактыка-спецыяльныя вучэнні сіл і сродкаў раённага звяна ДСНС, прысвечаныя дзеянням пры ўзнікненні надзвычайных сітуацый, звязаных з вясновай паводкай. Асноўнай мэтай мерапрыемстваў стала адпрацоўка практычных навыкаў і каардынацыя работы ўсіх задзейнічаных служб пры надзвычайных сітуацыях, выкліканых рэзкім уздымам узроўню вады.

Паводле тактычнай задумы вучэнняў, асноўным фактарам узнікнення надзвычайнай сітуацыі стала рэзкае павышэнне тэмпературы паветра, якое суправаджаецца багатым раставаннем снягоў і выпадзеннем значнай колькасці ападкаў. Гэтыя прыродныя з'явы сталі прычынай імклівага ўздыму ўзроўню вады ў вадасховішчы "ДЭУ", дзе ўзровень вады дасягнуў крытычнай адзнакі. У выніку адбылося размыванне дарогі агульнага карыстання, што стварыла рэальную пагрозу абвальвання грунту на прылеглых зямельных участках.

У ходзе вучэнняў сілы і сродкі ДСНС раёна адпрацавалі практычныя дзеянні па ліквідацыі наступстваў паводкі. Былі задзейнічаны аварыйна-выратавальныя фарміраванні, інжынерныя падраздзяленні і спецыялізаваная тэхніка. Асаблівая ўвага надавалася своечасоваму выяўленню пагрозы разбурэння дарожнага палатна і прыняццю мер па прадухіленні абвальвання грунту.

Праведзеныя тактыка-спецыяльныя вучэнні пацвердзілі гатоўнасць раёнам звяна ДСНС аператыўна рэагаваць на надзвычайныя сітуацыі прыроднага характару, эфектыўна каардынаваць сумесныя дзеянні і мінімізаваць рызыкі для жыцця і здароўя насельніцтва.

dubrovno.by