16.06.2025

У Дуброўне прайшлі спаборніцтвы па міні-футболе

У рамках святкавання Дня абароны дзяцей 2 чэрвеня гарадскі спартыўны стадыён стаў месцам правядзення спаборніцтваў па міні-футболе з удзелам падлеткаў, якія стаяць на розных відах уліку.

Падчас цырымоніі адкрыцця да ўдзельнікаў спаборніцтваў звярнулася намеснік старшыні камісіі па справах не паўналетніх Інэса Трутко. Яна адзначыла, што правядзенне такіх мерапрыемстваў даўно ўжо стала традыцыйным на Дубровеншчыне.

- Гэта не проста спаборніцтва, гэта магчымасць для нас усіх аб'яднацца, прадэманстраваць свае навыкі і, вядома ж, атрымаць асалоду ад духу спартыўнага суперніцтва. Упэўнена, што кожны з вас выйдзе на поле з жаданнем перамагчы і прадэманстраваць лепшыя свае валявыя якасці. Хай пераможа наймацнейшы, а для балельшчыкаў гэты дзень запомніцца яркай гульнёй каманд і прыгожа забітымі галамі, — сказала Інэса Трутко.

Удзел у спаборніцтвах прынялі каманды сярэдніх школ горада, Дубровенскага каледжа, а таксама супрацоўнікі РАНС. Надвор'е спрыяла ў гэты дзень, і трэба адзначыць, што гульні прайшлі відовішчна, азартна, з інтрыгуючай закруткай у турнірнай табліцы. Спаборніцтва праводзілася па кругавой сістэме, і гэта надало ім дадатковую інтрыгу. Пры такім фармаце правядзення пераможца спаборніцтва вызначаўся толькі пасля заканчэння ўсіх сустрэч. Прапушчаныя або забітыя мячы ў вароты выклікалі буру эмоцый і ў заўзятараў, і ў саміх гульцоў. Уважлівасць і строгасць галоўнага суддзі не давала спартсменам парушаць правілы. Гульня была сапраўды займальнай - з прыгожымі галамі, праходамі і камбінацыямі. Складаныя, напружаныя спаборніцтвы вызначылі пераможцаў спаборніцтваў па міні-футболе. Так, першае месца ў каманды навучэнцаў Дубровенскага каледжа. Другое і трэцяе месцы занялі навучэнцы сярэдніх школ № 1 і №2 г. Дуброўна. Каманда супрацоўнікаў РАНС прыняла ўдзел у спаборніцтвах па-за конкурсам.

Інэса Трутко ўважліва сачыла за ходам спаборніцтваў і ў канцы турніру адзначыла, што прадстаўнікі кожнай каманды праявілі сапраўдны баявы дух і даказалі, што надаюць спорту вялікую ўвагу. Усе ўдзельнікі каманд узнагароджаны кубкамі і медалямі.

dubrovno.by