16.06.2025

У Дубровенскім раёне завяршыўся месячнік Беларускага Таварыства Чырвонага Крыжа

У Дубровенскім раёне завяршыўся месячнік Беларускага Таварыства Чырвонага Крыжа, накіраваны на распаўсюджванне ідэй Міжнароднага руху Чырвонага Крыжа і Чырвонага Паўмесяца, прапаганду дзейнасці БТЧК. Місія арганізацыі - абараняць і паляпшаць жыццё уразлівых асоб, мабілізуючы гуманітарны патэнцыял грамадства і гарантуючы павагу да асобы.

Старшыня Дубровенскай раённай арганізацыі Галіна Макаранка, распавяла, што сёлета традыцыйна Беларускае Таварыства Чырвонага Крыжа правяло шэраг мерапрыемстваў. Гэтыя круглыя сталы і сустрэчы, кансультацыі прававога і псіхалагічнага характару, святы і акцыі. У рамках месячніка "Чырвоны Крыж - сімвал міласэрнасці і адзінства ў імя міру. 80 гадоў Вялікай Перамогі" аказана дапамога малалетнім вязням, ветэранам Беларускага таварыства Чырвонага Крыжа, адбыліся мерапрыемствы, прымеркаваныя да Міжнароднага Дня абароны дзяцей, акцыі, прысвечаныя сусветным дням без тытуню і донара, а таксама Сусветнаму дню памяці людзей, якія памерлі ад СНІДу.

- Вялікую дапамогу ў зборы сродкаў аказваюць першасныя арганізацыі, якіх у раёне 19. У першую чаргу мы, вядома, накіроўваем сродкі шматдзетным і малазабяспечаным, інвалідам, маючым патрэбу, але мы акажам дапамогу любому, хто трапіў у цяжкую жыццёвую сітуацыю, - кажа Галіна Мікалаеўна. - Дзякуй усім, хто прыняў удзел у зборы добраахвотных ахвяраванняў. Асаблівыя словы ўдзячнасці валанцёрам, неабыякавым людзям з вялікім сэрцам, якія аказваюць падтрымку нашай раённай арганізацыі.

Не заставайцеся абыякавымі, бо ніхто не ведае, што чакае яго ў будучыні, можа, менавіта ваша дабрачыннасць апынецца самай патрэбнай і своечасовай. Памятаеце, што любая ваша дапамога абавязкова будзе запатрабаваная і прынясе карысць.

dubrovno.by