16.10.2025

У Дзень маці ў Дубровенскім раённым Доме культуры адбыўся святочны канцэрт "Ты для мяне, як у небе зорка"

У гэты дзень зала была поўная ўсмешак і шчырых слоў падзякі. Галоўнымі гераінямі свята сталі жанчыны, чый клопат і любоў робяць свет дабрэйшым.

У РДК ва ўрачыстай абстаноўцы словы падзякі і ўдзячнасці за годнае выхаванне дзяцей, значны ўклад у захаванне і ўмацаванне сямейных традыцый са сцэны гучаць ад намесніка старшыні Дубровенскага раённага выканаўчага камітэта Святланы Рыжанскай.

Лепшым жанчынам Дубровеншчыны Ірыне Крывавай, Марыне Марыскінай, Юліі Банах, Ніне Жыурэне, Алесі Дзяменцьевай, Яне Мянзурэнка, Ксеніі Бугаевай, Вользе Махначовай, Святлане Калінінай і Марыі Астапенцы ўручаны падарункі і кветкі ад Дубровенскага раённага выканаўчага камітэта.

- Мама - самы дарагі чалавек для кожнага з нас. Менавіта яна першай бярэ на рукі сваё дзіцяці, радуецца яго першаму крыку, першаму слову, першым крокам. Радуецца, калі ў яго ўсё атрымліваецца - у садку, у школе, у інстытуце, на працы. Яна з намі ўсё жыццё - і з маленькімі, і з дарослымі. І гэта асабліва сімвалічна, што Дзень маці супадае са святам Пакрова Прасвятой Багародзіцы. Сёння мы аддаём даніну павагі не толькі тым, хто падарыў жыццё сваім дзецям, але і ўсім жанчынам, якія захоўваюць сямейныя каштоўнасці, выхоўваюць прыёмных дзяцей, клапоцяцца пра тых, хто патрабуе асаблівай увагі. Жадаю ўсім мамам, каб дзеці былі здаровыя, каб у іх жыцці ўсё складвалася добра. Дарагія жанчыны, няхай вашыя сэрцы ніколі не ведаюць трывог і смутку. Хай кожная сям'я будзе паспяховай, бо толькі тады паспяховая і моцная наша Беларусь. Хай у кожным доме будуць мір, дабро, цяпло і ўтульнасць. Бывайце здаровы, дарагія нашы мамы!

Святочную канцэртную праграму падрыхтавалі артысты РДК, у якой яны пастараліся перадаць усю пяшчоту, клопат і бязмежную любоў, якую дораць мамы сваім дзецям. Публіка цёпла сустракала кожны нумар. Свята атрымалася па-хатняму цёплым і душэўным. Яно яшчэ раз нагадала: няма на свеце пачуцця мацней мацярынскай любові.

dubrovno.by