04.12.2025

У Беларусі выпусцілі незвычайную карту. Даведаемся, чым яна дапаможа турыстам

РУП "Белкартаграфія" выпусціла турыстычную карту "Кулінарная спадчына Беларусі" для гастранамічных падарожнікаў. Тут сабраны традыцыйныя стравы беларускай кухні, рэгіянальныя кулінарныя асаблівасці, апісанні традыцый прыгатавання і звесткі аб гастранамічных фестывалях, якія праходзяць у розных кутках краіны.

Гастратурызм - гэта турыстычнае падарожжа ў мэтах азнаямлення з краінай, рэгіёнам, мясцовасцю з дапамогай далучэння да нацыянальнай гастраноміі, асаблівасцяў вытворчасці і прыгатавання нацыянальных страў, іншай харчовай прадукцыі, а таксама дзейнасць па арганізацыі гэтага турыстычнага падарожжа. Ён прадугледжвае наведванне або правядзенне дэгустацый, майстар-класаў, аб'ектаў грамадскага харчавання, гастранамічных мерапрыемстваў (кірмашоў, фестываляў, выстаў), у тым ліку з мэтай азнаямлення са стравамі нацыянальнай кухні, наведванне навучальных устаноў, кандытарскіх фабрык, іншых арганізацый з кулінарнай спецыялізацыяй з мэтай азнаямлення з асаблівасцямі вытворчасці і прыгатавання нацыянальных страў, іншай харчовай прадукцыі. А таксама навучанне турыстаў, экскурсантаў прыгатаванню нацыянальных страў, характэрных для адпаведнага рэгіёну, мясцовасці, у тым ліку з выкарыстаннем прадукцыі, вырашчанай у гэтым рэгіёне, мясцовасці, азнаямленне з кулінарнымі асаблівасцямі адпаведнага рэгіёну, мясцовасці шляхам стварэння і прасоўвання гастранамічных пляцовак, фудкортаў.

Гэта турыстычныя падарожжа для знаёмства з краінай, рэгіёнам, мясцовасцю праз далучэнне да нацыянальнай гастраноміі, асаблівасцяў вытворчасці і прыгатавання нацыянальных страў. Гастранамічны турызм прадугледжвае правядзенне дэгустацый, майстар-класаў, наведванне аб'ектаў грамадскага харчавання, гастранамічных мерапрыемстваў (кірмашоў, фестываляў, выстаў) і інш.

"Карта папулярызуе нацыянальныя кулінарныя традыцыі, знаёміць з мясцовымі рэцэптамі і асаблівасцямі, будзе цікавая як жыхарам краіны, так і турыстам", — распавялі ў ведамстве.

Маштаб - 1:850 000. Адзначаны лакацыі, дзе, у прыватнасці, можна пакаштаваць аўтэнтычныя стравы, такія як смажаныя ўюны, панцак з грыбамі, кулеш, чачоха, вэнджаны часнык, верашчака і іншыя.

dubrovno.by