25.03.2026

У Беларусі пачалі ўводзіць абмежаванні на наведванне лясоў

Часовыя меры абмежавальнага характару ўведзены практычна паўсюдна. Прычына - трэці клас пажарнай небяспекі. Пра гэта паведамілі ў Міністэрстве лясной гаспадаркі.

Інфаграфіка актуальная на 8.50 23 сакавіка.

У Віцебскай вобласці абмежаванні не закранулі толькі Верхнядзвінскi, Мiёрскi, Браслаўскi, Шаркаўшчынскi раёны.

За мінулыя выхадныя ў лясным фондзе Мінлясгаса зафіксавана 5 узгаранняў на плошчы 3,9 га. Усяго з пачатку года адбылося ўжо 30 лясных пажараў і ўзгаранняў на плошчы 10,4 га.

Пры абмежаваннях на наведванне лясоў, як правіла, забаронены ўезд у лясны фонд на асабістым транспарце. Для пешых прагулак лясы застаюцца даступнымі.

З інтэрактыўнай картай забарон і абмежаванняў на наведванне лясоў можна азнаёміцца тут.

Аўтарскае права "Віцьбічы"