15.01.2026

У аг. Буда адбыўся пажар

04.01.2026 у 08-10 у цэнтр аператыўнага кіравання Дубровенскага РАНС паступіла паведамленне аб загаранні лазні ў аг. Буда, Пірагоўскага с/с, Дубровенскага раёна.

Па прыбыцці да месца выкліку ў 08-21 назіралася адкрытае гарэнне лазні па ўсёй плошчы. У выніку пажару ў лазні пашкоджана маёмасць, абвугленыя сцены, столь. Пацярпелых няма. Прычына пажару высвятляецца.

Галоўныя "запаведзі" печкавай бяспекі:

• Расколіны і зазоры ў муры неабходна старанна замазаць глінай. Пажарную небяспеку ўяўляюць таксама расколіны ў комінах. Яны - шчыліны для адкрытага полымя на гарышчы. Пабелены комін у межах гарышча заўсёды пакажа на магчымую праблему чорнай сажай.
• Не перакальвайце печ - бяспечней прапальваць двойчы ў суткі, з некаторым інтэрвалам.
• Каб выпадкова выпаўшыя падпаленыя вуглі не прывялі да пажару, прыбіце перад топкай на драўлянай падлозе металічны ліст. Падыдзе цэментная або пліткавая аснова. І нават нягледзячы на іх наяўнасць, не пакідайце адкрытымі топачныя дзверцы і печ, якую топiцца, без нагляду.
• Ні ў якім разе не выкарыстоўвайце пры падпалцы лёгкаўзгаральныя і гаручыя вадкасці, такія як бензін або газ.
• Не складайце вопратку і іншыя прадметы на печы і ў непасрэднай блізкасці да ацяпляльнага прыбора.
• Не пакідайце без нагляду печы, якiя топяцца, і не давярайце топку дзецям.
• Каб пазбегнуць атручвання чадным газам, нельга зачыняць засланку печаў, пакуль вуголле цалкам не прагараць. Пры гэтым заканчваць тапіць печ трэба не менш чым за дзве гадзіны да адыходу да сну.

У выпадку надзвычайнай сітуацыі тэлефанаваць па нумары 101 або 112!

dubrovno.by