17.12.2019

У Дубровенскім райвыканкаме адбылася нарада па пытаннях умацавання грамадскай бяспекі і дысцыпліны

 

У сераду адбылася нарада з кіраўнікамі арганізацый і прадпрыемстваў раёна па пытаннях умацавання грамадскай бяспекі і дысцыпліны.

Старшыня Дубровенскага райвыканкама Анатоль Лукашоў нагадаў, што асноўным нарматыўным дакументам у гэтым напрамку з'яўляецца Дырэктыва №1 Прэзідэнта Рэспублікі Беларусь. А захаванне яе норм і патрабаванняў - залог бяспечнай жыццядзейнасці паспяховай работы кожнага працоўнага калектыву.

Начальнік упраўлення па працы, занятасцi i сацыяльнай абароне Дубровенскага райвыканкама Алеся Звяркова распавяла пра сістэму працы па прафілактыцы вытворчага траўматызму і прафесійнай захваральнасці. Аднак адзначыла, што праводзімая ў арганізацыях праца з'яўляецца недастатковай. Так, у бягучым годзе зарэгістравана 6 няшчасных выпадкаў на вытворчасці. Яны адбыліся ў ААТ «Баброва-Агра», «Усход-Чырына», «Каманiна», СГФ iм.Ю.Смiрнова, вытворчым участку па падрыхтоўцы торфу «Асінторф», КУСГП iм.Чарняхоўскага. За аналагічны перыяд 2018 гады адбылося 5 няшчасных выпадкаў вытворчага траўматызму.

У мэтах забеспячэння бяспечных і здаровых умоў працы, аказання метадычнай дапамогі наймальнікам па пытаннях аховы працы ў раёне арганізавана работа мабільнай групы. Ёю было праведзена каля 60 рэйдаў, выяўлена мноства парушэнняў, большасць з якіх - у арганізацыях аграпрамысловага комплексу.

Варта адзначыць, што большая частка парушэнняў была аператыўна ліквідавана. З-за пагрозы бяспекі жыцця і здароўя работнікаў была прыпыненая праца 71 адзінкі тэхнікі. Пры абследаванні дадаткова праведзена 475 інструктажоў па ахове працы і тэхніцы бяспецы. За студзень-кастрычнік 2019 года да дысцыплінарнай адказнасці прыцягнуты 291 работнік, з іх 223 - за прагулы і парушэнні працоўнай дысцыпліны, з 37 работнікамі былі скасаваны працоўныя дагаворы.

Пра праводзімыя ў раёне працы па папярэджанні і ліквідацыі надзвычайных сітуацый распавёў намеснік начальніка Дубровенскага РАНС Максім Куляшоў. Ён канстатаваў, што ў апошнія пяць гадоў на Дубровеншчыне адзначаецца зніжэнне колькасці пажараў. Аднак у гэтым годзе ў раёне ўжо адбылося 19 пажараў, што на два больш у параўнанні з аналагічным перыядам 2018 года. На пажарах загінуў адзін чалавек. Сярод асноўных прычын пажараў М.Куляшоў назваў неасцярожнае абыходжанне з агнём, парушэнне правілаў мантажу, прылады і эксплуатацыі электрасетак і электраабсталявання. Выяўлены ў бягучым годзе і выпадкі падпалу. Найбольшая колькасць пажараў адзначаецца на тэрыторыі Асiнторфскага сельсавета. Старшыням сельвыканкамаў і кіраўнікам было рэкамендавана працягнуць прафілактычную працу з насельніцтвам, а таксама працу па навядзенні парадку на прысядзібных участках і пустых безгаспадарных тэрыторыях.

Аб рабоце па ахове правапарадку і захаванню грамадскай бяспекі паведаміў начальнік Дубровенскага РАУС Андрэй Сінюковіч. У раёне адзначаецца зніжэнне злачыннасці, павялічваецца адсотак раскрывальнасці злачынстваў. Аднак у бягучым годзе павялічылася колькасць крадзяжоў у дзяржаўным сектары. З мэтай іх прадухілення супрацоўнікі РАУС правялі больш за 80 рэйдаў, з іх 43 у начны час, выявілі 67 работнікаў, якія знаходзіліся на працоўным месцы ў стане алкагольнага ап'янення. Андрэй Сінюковіч звярнуў увагу кіраўнікоў арганізацый і прадпрыемстваў на неабходнасць правядзення сур'ёзнай прафілактычнай працы па барацьбе з п'янствам і алкагалізмам як у працоўных калектывах, так і па месцы жыхарства. Ён прывёў статыстыку па колькасці затрыманых вадзіцеляў у стане алкагольнага ап'янення, па канфіскацыі вадкасцяў з утрыманнем спірту, колькасці сямейных дэбашыраў, ліку асоб, накіраваных на лячэнне ў ЛПП. Сур'ёзную ўвагу начальнік РАУС звярнуў на пытанні захавання правілаў дарожнага руху як вадзіцеляў, так і пешаходаў, недапушчальнасць выпуску на лінію транспартных сродкаў без праходжання тэхагляду.

Тэму захавання жыцця і здароўя чалавека працягнула ў сваім выступленні намеснік старшыні Дубровенскага райвыканкама Святлана Рыжанская. Яна канстатавала, што ў раёне адзначаецца рост гібелі людзей ад знешніх прычын. Так, за 11 месяцаў загінулі 29 чалавек, з іх 21 у працаздольным узросце, 8 чалавек атруціліся алкаголем. Трывожыць колькасць суіцыдаў, іх у бягучым годзе здзейснена 11, з іх 4 у стане алкагольнага ап'янення. Святлана Рыжанская звярнула ўвагу кіраўнікоў арганізацый усіх формаў уласнасці на неабходнасць чулага і ўважлівага стаўлення да членаў працоўных калектываў, больш актыўнага прыцягнення іх у спартыўную і грамадскую дзейнасць.

Намеснік старшыні камісіі па справах непаўналетніх Інэса Трутко распавяла аб праводзімай ў раёне працы па абароне правоў непаўналетніх, працы з рознымі катэгорыямі сем'яў, з абавязанымі асобамі. Яна падкрэсліла, што дадзеная праца з'яўляецца штодзённай і карпатлівай, а самае галоўнае павінна праводзіцца сумесна з усімі службамі раёна.

Практычныя парады па ўмацаванні грамадскай бяспекі і дысцыпліны, дакладнай арганізацыі працы ў дадзеным кірунку прагучалі ад пракурора раёна Міхаіла Пацеева і старшыні суда Дубровенскага раёна Марыі Цыклiнскай.

Галоўны лекар Дубровенскай ЦРБ Анжаліка Мiрэнкова акцэнтавала увагу кіраўнікоў на неабходнасці дакладнай і своечасовай арганізацыі праходжання медаглядаў, а таксама стварэння адпаведнага мікраклімату ў працоўных калектывах.

Падводзячы вынікі нарады, Анатоль Лукашоў паставіў задачу - забяспечыць здаровыя і бяспечныя ўмовы працы ў кожным працоўным калектыве. А захаванне жыцця і здароўя чалавека лічыць асноўным напрамкам дзейнасці і крытэрам ацэнкі працы кіраўнікоў.

Святлана ШУРПАКОВА.