30.12.2019

У Дуброўна прайшоў міжрэгіянальны турнір па валейболе

 

21 снежня сярэдняя школа №1 прымала спартыўныя дэлегацыі з п. Чырвоны Смаленскай вобласці, п. Леніна ГПК УА «МДУ імя А. Куляшова» і зборную Дубровенскага раёна для правядзення традыцыйнага міжрэгіянальнага турніру па валейболе памяці Героя Савецкага Саюза Ганны Нікандравай.

Перад удзельнікамі спаборніцтваў з прывітальным словам выступіла намесніца старшыні Дубровенскага райвыканкама Святлана Рыжанская. Яна адзначыла важнасць правядзення такіх мерапрыемстваў, якія аб'ядноўваюць народы дзвюх дзяржаў, умацоўваюць сяброўства паміж рэгіёнамі, і пажадала гульцам перамогі, а заўзятарам - відовішчнага валейбола.

Далей слова далі намесніку кіраўніка адміністрацыі Краснінскага раёна Смаленскай вобласці Уладзіміру Папкову. Ён адзначыў сімвалічнасць сустрэчы - ідзе падрыхтоўка да 75-годдзя Вялікай Перамогі - і падкрэсліў, што вайна аб'яднала рускі і беларускі народ, і гэтая сувязь становіцца трывалей дзякуючы такой форме ўзаемадзеяння, як спорт.

—Дадзенае мерапрыемства вельмі збліжае беларускі і расійскі народ, спрыяе зносінам, дружбе і, вядома ж, развіццю ў спорце. Паколькі спартыўная падзея праходзіць напярэдадні 75-годдзя Перамогі і прысвечана памяці Героя Савецкага Саюза Ганны Нікандравай, гэта спрыяе патрыятычнаму выхаванню моладзі, прыцягненню да спорту падрастаючага пакалення, - адзначыў Уладзімір Папкоў.

Па традыцыі перад пачаткам турніру прагучалі гімны дзвюх дружалюбных краін - Расіі і Беларусі. Затым каманды занялі гульнявыя пляцоўкі, а балельшчыкі падрыхтаваліся да захапляльнай барацьбы. Па выніках гульняў сярод мужчынскіх каманд перамогу ў турніры атрымаў Краснінскі раён. На другім месцы - гаспадары пляцоўкі, а трэцяе заняла каманда Магілёўскага педкаледжа.

Сярод жаночых каманд перамогу абараніла зборная Дубровенскага раёна. Другое і трэцяе месца занялі каманды пасёлка Чырвоны і пасёлка Леніна адпаведна. Пераможцы спаборніцтваў былі ўзнагароджаны дыпломамі і кубкамі.

Лепшым гульцом сярод жаночых каманд стала Марыя Клубянькова з п.Чырвоны, сярод мужчынскіх - Кірыл Капылоў з Дуброўна. Падарункам ад РГА «Белая Русь» узнагароджаны намеснік кіраўніка адміністрацыі Краснинского раёна Уладзімір Папкоў.

Ганна Хадкевіч.