16.10.2025

Трайное шчасце сям'і Белкiных

У сям'і дубровенцаў Аляксандра і Марыны Белкінs[ 17 верасня, у Дзень народнага адзінства, нарадзілася трэцяе дзіця — дачушка Дарына.

А нядаўна ва ўрачыстай абстаноўцы мама і тата разам са старэйшымі дзецьмі Дыянай і Дзянісам атрымалі пасведчанне аб нараджэнні малой, якое дало права сям'і атрымаць статус шматдзетнай. Начальнік аддзела загс Дубровенскага райвыканкама, калегі і прадстаўнікі Беларускага саюза жанчын шчыра павіншавалі маладую сям'ю з гэтай знамянальнай падзеяй.

Муж і жонка Белкiны лічаць, што бацькоўская любоў павінна быць безумоўнай, бескарыслівай, разумеючай, цярплівай і трывалай. Дзеці заслугоўваюць, каб іх любілі такімі, якія яны ёсць. Безумоўная любоў - гэта самы важны дар, які можна даць свайму дзіцяці. Толькі з яе можа вырасці любоў да бацькоў - падмурак маральнасці чалавека і грамадства.

dubrovno.by