02.09.2025

З Днём ведаў!

Паважаныя педагогі! Дарагія навучэнцы і іх бацькі!

Прыміце самыя добрыя і шчырыя віншаванні з Днём ведаў!

Гэта адно з самых урачыстых і хвалюючых святаў у годзе. Пачатак новага навучальнага года як сімвал абнаўлення ўсяляе надзею на важныя дасягненні і шырокія гарызонты.

1 верасня ў жыцці навучэнцаў адкрыецца новая старонка, напоўненая незабыўнымі сустрэчамі і ўражаннямі, бязмежнымі магчымасцямі. Школьная пара - гэта час, калі закладваюцца асновы ведаў, правяраюцца здольнасці, раскрываюцца таленты. Жадаем усім вучням добрых адзнак, натхняльных поспехаў і сяброўскіх зносін.

Словы шчырай удзячнасці выказваем педагогам. Вашы прафесіяналізм, адданасць справе і цярпенне дапамагаюць падрастаючаму пакаленню набываць глыбокія веды і развіваць таленты, вы абуджаеце ў маладых людзях пачуццё патрыятызму і гонару за Айчыну.

Адказная роля ў гэтым працэсе належыць і бацькам, таму што толькі сумеснымі намаганнямі можна выхаваць годных грамадзян Беларусі, якія будуць жыць і працаваць на карысць сваёй краіны.

Жадаем усім увасаблення ў жыццё намечаных планаў, радасных імгненняў і моцнага здароўя! З пачаткам новага навучальнага года!

Алег Макарэвіч, старшыня Дубровенскага раённага выканаўчага камітэта.
Алена Ціханава, старшыня Дубровенскага раённага Савета дэпутатаў.

Паважаныя настаўнікі і выкладчыкі, дарагія вучні, студэнты і іх бацькі!

Ад усёй душы віншую вас з Днём ведаў і пачаткам навучальнага года!

Гэта асаблівае свята, якое сімвалізуе імкненне да развіцця і росту, дае старт да новых адкрыццяў і дасягненняў. У сучасным свеце веды - залог эфектыўнай дзейнасці ў любой сферы, абавязковая ўмова паспяховай кар'еры і цікавага жыцця.

Выказваю шчырую падзяку педагогам за прафесіяналізм, самааддачу і адданасць сваёй справе. Вашымі сіламі, энергіяй і любоўю да дзяцей ствараецца будучыня краіны. Бо якасная адукацыя - аснова прагрэсу, росквіту і дабрабыту грамадства і дзяржавы.

Няхай новы навучальны год будзе для ўсіх плённым і займальным, поўны яркіх падзей, цікавых урокаў і новых перамог, а настойлівасць і дапытлівасць дапамогуць дзецям рэалізаваць таленты, і іх поспехі стануць для бацькоў падставай для гонару і радасці за сваіх дзяцей.

Жадаю ўсім моцнага здароўя, мудрасці і цярпення, натхнення і ўпэўненасці ў сваіх сілах!

Уладзімір Бабічаў,
дэпутат Палаты прадстаўнікоў Нацыянальнага сходу Рэспублікі Беларусь.

dubrovno.by