04.12.2025

Роўныя сярод роўных людзі на пазітыве

3 снежня — Міжнародны дзень інвалідаў. Гэтая дата ў календары заклікана не толькі нагадаць пра цяжкасці, з якімі сутыкаюцца людзі з абмежаванымі магчымасцямі здароўя, але таксама адначасна асвятліць іншыя важныя пытанні: паўнавартасны ўдзел людзей з інваліднасцю ў жыцці грамадства, абарона іх правоў, а таксама ўцягванне як мага большай колькасці разумеючых людзей у гэтыя працэсы.

У Беларусі сістэмна выбудавана падтрымка людзей з інваліднасцю. Перш за ўсё, дзяржавай гарантавана дапамога ў выглядзе грашовых выплат - гэта пенсіі, дапамогі, дзяржаўная адрасная дапамога. Другі від дапамогі - гэта дзяржаўныя сацыяльныя льготы і гарантыі. Дзяржаўныя льготы прадугледжаны практычна ва ўсіх асноўных сферах жыццядзейнасці людзей з інваліднасцю.

- Што тычыцца сацыяльнага абслугоўвання, то тут падтрымка таксама вельмі шырокая. Уся сацыяльная рэабілітацыя, якая аказваецца ў ТЦСАН, прадастаўляецца людзям з інваліднасцю бясплатна. Забеспячэнне тэхнічнымі сродкамі рэабілітацыі таксама ў нас дастаткова сур'ёзна падтрымліваецца. Самыя дарагія сродкі рэабілітацыі людзям з інваліднасцю ў выпадку патрэбнасці забяспечваюцца на бясплатнай аснове. Альбо гэта ўжо льготнае забеспячэнне - ад 20 да 50% зніжка, - патлумачыла Аляксандра Андруховіч, спецыяліст па сацыяльнай рабоце Дубровенскага ТЦСАН.

Старшыня раённай арганізацыі ТАА "БелТI" Клаўдзія Гарэлікава распавяла, што ў Дубровенскай раённай арганізацыі інвалідаў 98 чалавек.

- З іх 10 - гэта людзі, якія не маюць інваліднасці, але з велізарным сэрцам і добрымі рукамі, - адзначыла Клаўдзія Рыгораўна. - Гэта людзі, якія гатовыя аказаць любую пасільную дапамогу ўсім саслабленым здароўем, з інваліднасцю. З іх дапамогай і разам з імі мы змаглі многае зрабіць: правесці акцыі, экскурсіі, прынялі ўдзел у спаборніцтвах і выставах. Напрыклад, усім запомніўся выезд на Кірэеўскую крыніцу, дзе мы вучыліся распальваць вогнішча, шукаць лекавыя травы, а потым гатавалі з іх гарбату. Акрамя таго, мы правялі там працоўную акцыю па навядзенні парадку і пагаварылі пра гісторыю гэтага ўнікальнага месца.

Загадчык аддзялення сацыяльнай рэабілітацыі, абілітацыі інвалідаў Дубровенскага ТЦСАН Ірына Мацянко распавяла, што сёння ва ўстанове створаны ўмовы для прадастаўлення грамадзянам розных сацыяльных паслуг - пастаянна ўдасканальваецца матэрыяльна-тэхнічнае абсталяванне цэнтра тэхнічнымі сродкамі сацыяльнай рэабілітацыі, працуе рэабілітацыйна-спартыўная зала, пакой псіхалагічнай разгрузкі, пакой сацыяльна-бытавога арыентавання, гурткі, клубы па інтарэсах, спектр паслуг штогод пашыраецца.

- Арганізавана штогадовая адаптацыя інвалідаў да працы на пасадзе прыбіральнік тэрыторый, швачка, сацыяльны работнік з выплатай заработнай платы са сродкаў Фонду сацыяльнай абароны насельніцтва з наступным працаўладкаваннем. У ТЦСАН Дубровенскага раёна ў аддзяленні сацыяльнай рэабілітацыі, абілітацыі інвалідаў арганізавана новая форма работы сумесна з УП "Элект" ГА "БелТІЗ" Аршанскага філіяла. Занятасць забяспечана для двух інвалідаў з заключэннем дагавора падраду на выкананне работ па зборцы паўфабрыката вузла кантактнай групы разеткі (каромысла). Адной з самых важных задач рэабілітацыі інвалідаў па зроку з'яўляецца іх уключэнне ў незалежную, максімальна актыўную і сацыяльна значную працоўную дзейнасць.

Мы пераканаліся, што ў Дубровенскім ТЦСАН надаецца вялікая ўвага развіццю творчых здольнасцяў, прывіццю цікавасці да жыцця і імкнення мець зносіны. Гэтаму спрыяе ўдзел конкурсах, форумах, спаборніцтвах рознага ўзроўню. Толькі за апошні час наведвальнікі аддзялення сацыяльнай рэабілітацыі, абілітацыі інвалідаў, прынялі ўдзел у анлайн-гасцёўні "Цяпло душы" да Міжнароднага дня сляпых г. Бабруйск, у Міжнародным фестывалі "Асаблівыя як усе", у абласным дыстанцыйным творчым марафоне "Аранжавы настрой", у абласным конкурсе інвалідаў па зроку "Новы статус", у спартыўных спаборніцтвах для людзей з інваліднасцю: "Аршанскія старты", "Дружба пачынаецца са спорту" г. Чашнікі.

Наведвальнікі аддзялення і члены таварыстваў удзельнічаюць у грамадскім жыцці раёна, прымаюць удзел у спаборніцтвах абласнога і рэспубліканскага значэння, выязджаюць на спаборніцтвы, агляды і выстаўкі дэкаратыўна-прыкладнога мастацтва. Хочацца падзяліцца станоўчымі эмоцыямі і прыкладу ўдзелу ў выставах, спаборніцтвах. Аляксандр Кароткін дыпламант абласнога канкурсанцкага марафону "Час моцных", Сяргей Сямёнаў - дыпламант абласнога навагодняга марафону "Шар дабра", Валянціна Валакіціна - штогадовы прызёр па афармленні падворка, Аляксандр Івялёў - майстар па рамонце веласiпедаў.

- Вялікую падзяку за дапамогу і падтрымку выказваем старшыні "БТЧК2 Ніне Ганчаровай, дырэктару Дубровенскага льнозавода Анатолю Басянкову, дырэктару УП ЖКГ "Дуброўна Камунальнік" Алегу Кір'янаву ў стварэнні даступнага асяроддзя для людзей з інваліднасцю. Хочацца выказаць словы падзякі актывістам раённай арганізацыі БелТI": Валянціне Квір, Валянціне Валакіцінай, Жанне Міхалевіч, Святлане Дворнікавай, Аляксандру Кароткіну, Таццяне Ціханенка, Сяргею Старавойтаву, Вячаславу Кудыбіну, Аляксандру Трапкову, Анатолю і Яўгеніі Міхалевіч. Дзякуй мамам дзяцей-інвалідаў, якія аказваюць дапамогу ў рабоце раённых арганізацый "БелТI", "БелТІЗ", - з асаблівай удзячнасцю сказала Ірына Мацянко і падкрэсліла: 

- Людзі, якія вядуць актыўнае сацыяльнае жыццё і займаюцца творчасцю, даўжэй застаюцца маладымі і здаровымі. Узровень іх жыцця якасна павышаецца. Заняткі любімай справай становяцца свайго роду інтэграцыяй у грамадства, спосабам псіхалагічнай разгрузкі. Калі ёсць мэта, то будзе і энергія, і сродкі, і натхненне. Галоўнае, каб чалавек быў моцны маральна, і духоўна, поўны рашучасці і волі да жыцця, што значна важней. У кожнага з нас ёсць свае магчымасці і таленты. Мы разам, а разам мы можам многае!

dubrovno.by