24.03.2026

Праезд у грамадскім транспарце даражэе ў Віцебскай і Мінскай абласцях з 25 сакавіка

Праезд у грамадскім транспарце даражэе ў Віцебскай і Мінскай абласцях з 25 сакавіка. Адпаведныя рашэнні Віцебскага аблвыканкама ад 19 сакавіка 2026 года №213 і Мінскага аблвыканкама ад 16 сакавіка 2026 года №307 афіцыйна апублікаваныя на Нацыянальным прававым інтэрнэт-партале, паведамляе БЕЛТА.

Прававымі актамі прадугледжана павышэнне тарыфаў на гарадскія перавозкі пасажыраў і ручной паклажы аўтобусамі, тралейбусамі, трамваямі ў рэгулярных зносінах на 0,15 рубля за адну паездку, тарыфаў на прыгарадныя аўтамабільныя перавозкі пасажыраў у рэгулярных зносінах — на 0,04 рубля за 1 км правозу. Таксама вызначаны новы кошт праязных білетаў.

Так, фіксаваны тарыф на гарадскія перавозкі пасажыраў і ручной паклажы аўтобусамі, тралейбусамі і трамваямі на звычайных і хуткасных маршрутах у рэгулярных зносінах складзе 1,05 рубля за адну паездку. Гранічны максімальны тарыф на гарадскія перавозкі пасажыраў і ручной паклажы аўтобусамі з дазволенай максімальнай масай больш за 5 тыс. кг на экспрэсных маршрутах у рэгулярных зносінах — 1,15 рубля за адну паездку.

Гранічныя максімальныя тарыфы на прыгарадныя аўтаперавозкі пасажыраў у рэгулярных зносінах за 1 км праезду складуць: на звычайных маршрутах — 0,14 рубля, на хуткасных маршрутах і дадатковых рэйсах — 0,16 рубля, на экспрэсных маршрутах — 0,17 рубля.

Рашэнні ўступаюць у сілу з 25 сакавіка 2026 года.

Як паведамлялася раней, з 25 сакавіка таксама падаражэе праезд у Брэсцкай і Гомельскай абласцях. З 27 сакавіка тарыфы павысяцца і ў Мінску.

dubrovno.by