16.10.2025

Палявыя работы працягваюцца на Дубровеншчыне

На календары сярэдзіна восені, і гэта не значыць, што працы на палях спыніліся. У аграрыяў работ безліч.

І ўсе іх неабходна, не гледзячы на пахаладанне і па-асенняму дробны дажджы, завяршыць у самыя кароткія тэрміны. У такой сітуацыі работнікам сельскагаспадарчай галіны даводзіцца прыкладаць максімум намаганняў, каб вырашчаны ўраджай з мінімальнымі стратамі быў убраны з палёў і трапіў у засекі. Зразумела, цяжка вылучыць першачарговыя работы. Як паказвае практыка, іх важнасць вызначаецца непасрэдна на месцах, у кожным канкрэтным сельгаспрадпрыемстве, з улікам сітуацыі, склаўшайся абстаноўкі на восеньскім полі. Калі браць у цэлым па раёне, прыярытэт у гэтым марафоне аддаюць падрыхтоўцы глебы і сяўбе азімых. Усім вядома: калі, што і як пасееш, то і збярэш у будучым годзе. Тут дарагi кожны пагодлівы час. Як сведчыць аператыўная інфармацыя ўпраўлення па сельскай гаспадарцы і харчаванні Дубровенскага райвыканкама, на ўчарашні дзень практычна завершана сяўба азімых збожжавых. У раёне засеяна 94,5% плануемых плошчаў, або 13614 га. У цэлым па раёне неабходна ўзараць 18000 га пад азімыя збожжавыя культуры. План выкананы на 84%.

Паралельна вядзецца ўборка кукурузы на сілас. З 5495 га ўбрана 3476 га, або 63% ад запланаваных плошчаў. Завершана нарыхтоўка ў КУСГП "Зарубы", 82% ад плана прыбралі ў ААТ "Баброва-Агра", 80% — у ААТ "Праўда-С". Больш за ўсё зялёнай масы нарыхтавана ў КУСГП "Прыдняпроўскі" — 15579 тон. У цэлым па раёне закладзена 73613 тон кукурузнага сіласу. Лідары -якубаўцы - 10600 т: нарыхтавана 51865 т к. адз., што складае 80% ад плана. На 97% выкананы план у КУСГП ім. Чарняхоўскага, 95% - ААТ "Праўда-С", 91% - ААТ "Баброва-Агра". На ўмоўную жывёлу нарыхтавана 25,92 ц к. адз, што на 1,92 ц к. адз. менш да аналагічнага перыяду мінулага года. Лідзіруе ААТ "Герой" - 34,31 ц к. адз.

У панядзелак Прэзідэнт Беларусі Аляксандр Лукашэнка, прымаючы кадравыя рашэнні, пазначыў задачы для аграрыяў па ўборачнай кампаніі і сяўбе азімых. Ён звярнуў увагу на сферу сельскай гаспадаркі і бягучыя работы, якія патрабуюць асаблівай увагі мясцовай вертыкалі. Асаблівую насцярожанасць, па словах Прэзідэнта, выклікае сітуацыя з уборкай кукурузы. У асобных раёнах гэтую культуру ўсё яшчэ прыбіраюць на сілас, хоць яна ўжо высахла. А дзесьці чакаюць умоў надвор'я, падсыхання глебы пасля ападкаў для ўборкі на збожжа, хоць у такі час ёсць рызыкі, што яно можа быць не якасным з-за развіцця грыбковых захворванняў на пачатках. Аляксандр Лукашэнка падкрэсліў, што на месцах трэба ўважліва паставіцца да працэсу і прыняць узважанае рашэнне.

- Вызначыцеся на месцы. Калі можна нарыхтаваць сілас, рыхтуйце. Рабіце ўсё якасна, - арыентаваў кіраўнік дзяржавы, нагадаўшы, што ад якасці сіласу залежыць вырошчванне жывёлы.

Што датычыцца сяўбы азімых культур, то тут Аляксандр Лукашэнка запатрабаваў завяршэння работ у самыя кароткія тэрміны: "На гэтым тыдні трэба спыніць усякія пасевы. Трэба спыніць сеяць азімыя культуры. Адсеем яравымі, калі будзе такая неабходнасць."

У ліку даручэнняў кіраўніка дзяржавы - своечасовае правядзенне восеньскіх палявых работ, уключаючы ўзворванне і ўздым зябліва.

- Так, год для сельскай гаспадаркі незвычайны, усё зрушылася, перасунулася... Але на каго мы будзем крыўдзіцца? З аднаго боку незвычайны, з другога - ураджайны. Таму трэба напружваць галаву. Ні ў якім разе нельга расслабляцца. Трэба прыбраць кукурузу, буракі і трэба пераараць глебу, - падсумаваў Аляксандр Лукашэнка.

dubrovno.by