25.11.2025

Першы снег выпаў на Дубровеншчыне

Першае дыханне зімы адчулі беларусы, не чакаючы марознага сезона па календары. У гэтыя выхадныя першы "вялікі" снег засыпаў двары і вуліцы Дуброўна. І калі для дзяцей — гэта падстава для сезонных забаў, то для супрацоўнікаў жыллёва-камунальнай гаспадаркі і дарожных служб — час напружанай працы. Яны аператыўна чысцяць дарогі і двары, тратуары. А Дзяржаўтаінспекцыя сочыць за перамяшчэннем машын па гарадскіх вуліцах і хуткасных магістралях і дае рэкамендацыі па бяспецы руху ў рэжыме дрэннай бачнасці і мокрага пакрыцця.

Прадпрыемствы УП ЖКГ "Дуброўна-Камунальнік" і ДРБУ №108 працуюць у дзяжурным рэжыме. Пастаянна адсочваюцца ўмовы надвор'я. Тэхніка для зімовага ўтрымання падрыхтавана загадзя, спраўная. Акрамя расчысткі і апрацоўкі процігалалёднымі матэрыяламі, займаюцца вывазкай снегу, арганізавана ўборка прыдамавых тэрыторый.  Маецца неабходнае абсталяванне: скрабкі, рыдлёўкі, мяцёлкі.

Трымаць бяспечную дыстанцыю, выконваць хуткасны рэжым. У цэлым, перайсці на больш асцярожны стыль кіравання. Гэта рэкамендацыі ад ДАІ для кіроўцаў. Трэба быць больш акуратнымі таксама і пешаходам пры перасячэнні праезнай часткі. Каб пазбегнуць надзвычайных сітуацый.

dubrovno.by