06.11.2019

Паважаныя жыхары Дубровенскага раёна!

 

Сардэчна віншуем Вас з Днём Кастрычніцкай рэвалюцыі!

Нягледзячы на неадназначнасць гістарычных ацэнак, гэта яркая дата стала для нашага народа арыенцірам на святыя прынцыпы братэрства і раўнапраўя, служыць сімвалам вялікіх пераўтварэнняў і пераменаў да лепшага.

Мы шануем сваё мінулае, а для паспяховай пабудовы сучаснасці і будучыні бярэм лепшыя ідэі, народжаныя Кастрычнікам, - ідэі сацыяльнай справядлівасці і павагі да чалавека працы.

Сёння мы жывём у суверэннай, незалежнай краіне. Сваім розумам, талентам і працавітасцю будуем моцную, стабільную дзяржаву, у якой галоўнай каштоўнасцю з'яўляецца чалавек — сапраўдны патрыёт і гаспадар роднай зямлі.

Ад усёй душы жадаем вам моцнага здароўя, аптымізму і вялікага чалавечага шчасця!

РАЁННЫ ВЫКАНАЎЧЫ КАМІТЭТ.