03.06.2025

Абмежаванні на наведванне лясоў масава ўведзены ў Беларусі

Абмежаванні на наведванне лясоў уведзеныя ў 56 раёнах краіны. Пра гэта сведчаць дадзеныя інтэрактыўнай карты Міністэрства лясной гаспадаркі, паведамляе БЕЛТА.

Абмежаванне на наведванне лясоў дзейнічае ў Брэсцкім, Драгічынскім, Жабінкаўскім, Камянецкім, Кобрынскім, Маларыцкім раёнах Брэсцкай вобласці, Віцебскім, Гарадоцкім, Дубровенскім, Лепельскім, Лёзненскім, Аршанскім, Полацкім, Шумілінскім раёнах Віцебскай вобласці, а таксама ў Быхаўскім, Горацкім, Дрыбінскім, Клімавіцкім, Касцюковіцкім, Краснапольскім, Крычаўскім, Магілёўскім, Мсціслаўскім, Слаўгарадскім, Хоцімскім, Чавускім, Чэрыкаўскім і Шклоўскім раёнах Магілёўскай вобласці. Акрамя таго, яны ўведзены ў Валожынскім і Стаўбцоўскім раёнах Мінскай вобласці.

Абмежавальныя меры закранулі ўсе раёны Гомельскай вобласці і Дзятлаўскі, Іўеўскі, Астравецкі, Ашмянскі, Смаргонскі раёны Гродзенскай вобласці.

У астатніх раёнах па ўсёй краіне лясы вольныя для наведвання.

Пры абмежаванні дазволеныя прагулкі ў лесе, збор грыбоў або ягад. Аднак нельга заязджаць у лясны масіў на машыне, а таксама забаронена разводзіць вогнішчы.

Актуальныя звесткі аб увядзенні мер абмежавальнага характару можна даведацца на інтэрактыўнай карце, размешчанай на афіцыйным сайце Мінлясгаса. Таксама інфармацыю можна ўдакладніць у мясцовых райвыканкамах і лесагаспадарчых установах. Варта памятаць, што карта абнаўляецца ў анлайн-рэжыме, таму перад пабудовай маршруту ў лес неабходна азнаёміцца з актуальнай сітуацыяй.

dubrovno.by