06.11.2025

Пра бяспеку ў перыяд канікул

Каб папярэдзіць аб розных небяспеках, ратавальнікі Дубровенскага раённага аддзела па надзвычайных сітуацыях правялі ўрок бяспекі ў ДУА "Сярэдняя школа №1 імя А. Нікандравай".

Разам з інспектарам раённага аддзела па надзвычайных сітуацыях, дзеці ўспомнілі нумары экстранных службаў, развучылі алгарытм дзеянняў у выпадках, калі ёсць неабходнасць выклікаць ратавальнікаў, а таксама даведаліся, як правільна пакінуць задымленае памяшканне.

Ратавальнік падрабязна распавёў аб розных надзвычайных сітуацыях, якія могуць сустрэцца дзецям у паўсядзённым жыцці, патлумачыўшы, чаму яны адбываюцца і да якіх наступстваў могуць прывесці. Ён падкрэсліў важнасць своечасовага распазнання пагроз і правільных паводзінаў у небяспечных абставінах, каб абараніць сябе і навакольных. Асаблівую ўвагу ён надаў прафілактыцы пажараў, якія часта здараюцца з-за гульняў з агнём. Інспектар адзначыў, што выкананне правілаў пажарнай бяспекі дапамагае прадухіліць няшчасці і захаваць здароўе і жыццё.

Дзеці атрымалі не толькі масу станоўчых эмоцый, але і папоўнілі багаж ведаў у галіне бяспекі жыццядзейнасці. А на развітанне школьнікам была ўручана наглядна-выяўленчая прадукцыя інфармацыйна-прафілактычнага характару.

У выпадку надзвычайнай сітуацыі тэлефанаваць па тэлефоне 101 або 112!

dubrovno.by