07.07.2025

На льняных палях Дубровеншчыны пабывалі кіраўнікі вобласці

Старшыня Дубровенскага райвыканкама Анатоль Лукашоў прывёз старшыню Віцебскага аблвыканкама Аляксандра Субоціна, яго першага намесніка Сяргея Ляўковіча, а таксама памочніка Прэзідэнта - інспектара па Віцебскай вобласці Уладзіміра Юргевіча на 100-гектарны насенны ўчастак ААТ "Дубровенскі льнозавод".

Галоўны аграном ільнозавода Сяргей Багусевіч распавёў, што поле засеяна беларускімі насеннем гатунку Рубеж. У цэлым станам пасеваў ён задаволены. Аднак дажджлівае і прахалоднае надвор'е зрушваюць тэхналагічныя працэсы вырошчвання лёну сёлета на два тыдні. Ён запэўніў, што ўсе льнозавадчане настроены на тое, каб і сёлета атрымаць максімальны вынік з ільняных палёў.

dubrovno.by