05.08.2025

Хто лідзіруе сярод кіроўцаў на жніве ў Дубровенскім раёне? Даведаемся

Мы ўжо паведамлялі, што Аляксандр Бацян з ААТ "Якубава-Агра" першым у Віцебскай вобласці перавёз тысячу тон збожжа і рапсу ад камбайнаў. І вось новы поспех: ён першым у раёне дасягнуў мяжы ў 2 тысячы тон.

Гэта 38 уборачная нашага земляка-працаўніка. І ў апошняе 10-годдзе ў кожнай з іх ён лідар на перавозцы. Неаднаразовы ўдзельнік фестывалю-кірмашу працаўнікоў вёскі "Дажынкі", лаўрэат звання "Чалавек года Віцебшчыны", ён сумленна і якасна выконвае сваю працу.

Начальнік упраўлення па сельскай гаспадарцы і харчаванні Дубровенскага райвыканкама і старшыня райкама прафсаюза работнікаў АПК уручылі кіроўцу Аляксандру Бацяну заслужаную ўзнагароду, грашовую прэмію і пажадалі далейшых працоўных поспехаў.

dubrovno.by